AQSh prezıdenti Donald Tramptyń burynǵy keńesshisi Stıv Bannon alaıaqtyq jasady dep aıyptaldy. Stıv Bannon Amerıka Qurama Shtattary men Meksıka shekarasynda qabyrǵa qurylysyn qoldaýǵa arnalǵan qarajat jınaý naýqanyna qatysty aqsha jymqyrdy degen kúdikke ilindi, dep habarlaıdy Egemen.kz.
Bannon federal prokýrorlary alaıaqtyq jasady jáne aqsha jymqyrdy dep aıyptalǵan tórt adamnyń biri. Olar "Biz qabyrǵa quryp jatyrmyz" naýqanynda jınalǵan 25 mıllıon dollardyń bir bóligin jymqyrdy dep aıyptalyp otyr.
Prokýratýra Bannon bul aqshanyń jarty mıllıonnan astamyn óz qajettilikterine jumsady dep kúdiktenip otyr. Sot prosesi Nıý-Iorktegi Manhetten federaldy sotynda ótedi.
Stıv Bannon Tramptyń apparat basshysy, keıinnen Aq úıde aǵa keńesshi jáne bas strateg boldy. Ol basqarmadaǵy jumysyn 2017 jyldyń tamyzynda aıaqtady.