Jaqynda Shardara aýdanynda maqta óndirisimen aınalysatyn «Uzyn ata maqta» JShS zaýyty óz jumysyn bastady. Jylyna 40-45 myń tonna tazartylmaǵan maqtany óńdeıtin bul zaýyt qurylysy Uzyn ata eldi mekeninde 2012 jyly bastalǵan bolatyn. Qurylystyń jalpy quny 900 mıllıonnan astam teńgeni qurap, onyń ishinde «Bıznestiń jol kartasy-2020» memlekettik baǵdarlamasy aıasynda 700 mıllıonnan astam teńgeni (5 mln. AQSh dollary) «Eýrazııalyq Bank» AQ arqyly jyldyq 7 paıyzben 7 jyl merzimge alypty.
Jaqynda Shardara aýdanynda maqta óndirisimen aınalysatyn «Uzyn ata maqta» JShS zaýyty óz jumysyn bastady. Jylyna 40-45 myń tonna tazartylmaǵan maqtany óńdeıtin bul zaýyt qurylysy Uzyn ata eldi mekeninde 2012 jyly bastalǵan bolatyn. Qurylystyń jalpy quny 900 mıllıonnan astam teńgeni qurap, onyń ishinde «Bıznestiń jol kartasy-2020» memlekettik baǵdarlamasy aıasynda 700 mıllıonnan astam teńgeni (5 mln. AQSh dollary) «Eýrazııalyq Bank» AQ arqyly jyldyq 7 paıyzben 7 jyl merzimge alypty.
– Ońtústik Qazaqstan oblysynda ındýstrııalandyrý kartasyna engizilgen jalpy somasy 448 mlrd. teńgeni quraıtyn 150 joba júzege asyrylyp, sonyń arqasynda oblys aýmaǵynda 19 myń jańa jumys orny ashylady, – deıdi OQO óńirlik kásipkerler palatasynyń dırektory Nurjan Áltaev. – Ústimizdegi jyldyń ekinshi jarty jyldyǵynda oblystan Indýstrııa jáne jańa tehnologııalar mınıstrligine jalpy somasy 600 mlrd. teńgeni quraıtyn 104 joba qosymsha jiberildi. 2010-2012 jyldary oblys aýmaǵynda 58 joba iske qosylyp, 5 236 jańa jumys orny qurylǵan. 2013 jyly 50 jańa jobany iske qosyp, 4 569 jańa jumys orny ashylady dep josparlanýda. Ústimizdegi jylda 8 iri joba iske qosylyp 598 jańa jumys orny ashylǵan.
Al, «Uzyn ata maqta» JShS basqarma tóraǵasy Baqytjan Tileýjanov bul zaýyt tabıǵı gazben jumys istep, sonyń esebinen shyǵarylatyn ónimniń ózindik qunynyń tómendeýine septigin tıgizetin jalǵyz joba ekenin aıtady. «Elimiz boıynsha osyndaı jobada salynǵan óndiris oryndary az. 2012-2013 jyldyń maqta jınaý maýsymynda zaýytta ornatylǵan qural-jabdyqty kalıbrleý maqsatynda tazartylmaǵan maqtanyń 5 myń tonnasy óndirildi. О́ndirilgen maqtanyń nusqasy Reseı Federasııasy, Qytaı, Ýkraına memleketterine jiberilip, joǵary sapasyna úzdik baǵa berildi», deıdi zaýyt basshysy.
Mekemede turaqty 200-den astam jańa jumys orny qurylsa, maqta jınaý maýsymynda myńnan astam jańa jumys orny ashylady dep josparlanýda. Ústimizdegi jyly zaýyt basshylyǵy 5 myń tonnadan astam maqta óńdeýdi josparǵa qoıdy. Sondaı-aq, Reseı, Qytaı jáne Eýropa elderimen maqtany jetkizý týraly kelisimsharttarǵa qol qoıylǵan. Aldaǵy ýaqytta mekeme basshylyǵy óndiristi ulǵaıtyp maqta maıyn, jem qospalaryn, pıletterdi shyǵarýdy, sondaı aq, toqyma óndirisin qurýdy josparǵa engizdi. Sonymen qatar, OQO kásipkerlerge qyzmet kórsetý ortalyǵy mekemege eksportty qoldaý baǵdarlamalary aıasynda kómek kórsetpek.
Jalpy alǵanda, Ońtústik Qazaqstan oblysy boıynsha aq altyndy egýde Shardara aýdany alda keledi. Endi olar maqtalaryn tazartý úshin alysqa sabylyp sharshamaıdy. Bıyl tanaptardan 55 myń tonna maqta jınap alǵan shardaralyqtar endi óz ónimderin jańadan ashylǵan zaýytta óńdeıtin bolady. О́ndiris sońǵy úlgidegi qytaı tehnologııasymen jabdyqtalyp, jumys tolyǵymen avtomattandyrylǵan. Zaýyttyń maqta qabyldaıtyn 30-dan asa sehy jumys isteıdi.
– «Uzyn ata maqta» zaýyty – oblysymyzdyń ındýstrııalandyrý kartasyna engizilgen nysan. Zaýyttyń iske qosylýy – aýdannyń áleýmettik-ekonomıkalyq jaǵynan ósýine eleýli úles qosady, – deıdi Shardara aýdanynyń ákimi Qamytbek Aıtóreev.
Oralhan DÁÝIT,
«Egemen Qazaqstan».
Ońtústik Qazaqstan oblysy,
Shardara aýdany.
––––––––––––––––
Sýretterdi túsirgen
Arman ÁBDIRAShULY.