Oblystyq jastar saıasaty máseleleri basqarmasynyń qoldaýymen «Múmkindigi shekteýli talantty jastar arasyndaǵy shyǵarmashylyq baıqaýdy uıymdastyrý jáne ótkizý» jobasy aıasynda «Sheksiz shyǵarmashylyq!» atty festıvaldiń gala-konserti ótkizildi.
Oblystyq jastar saıasaty máseleleri basqarmasynyń qoldaýymen «Múmkindigi shekteýli talantty jastar arasyndaǵy shyǵarmashylyq baıqaýdy uıymdastyrý jáne ótkizý» jobasy aıasynda «Sheksiz shyǵarmashylyq!» atty festıvaldiń gala-konserti ótkizildi.
Gala-konserttiń ashylý saltanatynda «Aqtóbe qalalyq sal aýrýyna shaldyqqan azamattardy qoldaý ortalyǵy» qoǵamdyq birlestiginiń tóraıymy Quralaı Baımenova taǵdyrdyń salǵan aýyrtpalyqtaryna qaıyspaı qarsy turyp, ónerdi serik etken jandarǵa shyǵarmashylyq sáttilik tiledi. Oblystyq jumyspen qamtýdy úılestirý jáne áleýmettik baǵdarlamalar basqarmasy bastyǵynyń orynbasary Altynbek Ámirǵalıev, oblystyq jastar saıasaty máseleleri basqarmasynyń qyzmetkeri Gúldana Mahatova shyǵarmashylyqtyń sheksizdigin moıyndatqandarǵa quttyqtaý tilekterin jetkizip, jyly lebizderin bildirdi. Sodan keıin ánshi Seısen Aıtjanov «Tyrnalar» ánin shyrqady. Múmkindigi shekteýli ónerpazdar birin-biri ilip áketip, ánnen shashý shashty. Barlyq jeńimpazdar men júldegerler dıplomdarmen jáne baǵaly syılyqtarmen marapattaldy.
Festıval jeńimpazdary men júldegerleriniń qolynan shyqqan ádemi dúnıelerden jasaqtalǵan kórme de kórermenderdi tánti etti.
Shara barysynda Marat Ospanov atyndaǵy Batys Qazaqstan memlekettik medısına ýnıversıtetiniń «Meıirimdiler» eriktiler klýby, basqa da oqý oryndarynan quralǵan eriktiler múmkindigi shekteýli jandarǵa kómektesip, qyzmet kórsetti.
Satybaldy SÁÝIRBAI,
«Egemen Qazaqstan».
Aqtóbe oblysy.