Almaty qalasynda bokstan álem chempıonatynyń ótýin táýelsiz memleketimizdiń osy sport salasyndaǵy qol jetkizgen tabystarynyń nátıjesi dep bilemin. TMD boıynsha Máskeý, Bakýden keıin bizde ótip otyr. Ortalyq Azııada mundaı jarys ótken joq. Sondyqtan bul birinshiliktiń mańyzy óte zor.
Almaty qalasynda bokstan álem chempıonatynyń ótýin táýelsiz memleketimizdiń osy sport salasyndaǵy qol jetkizgen tabystarynyń nátıjesi dep bilemin. TMD boıynsha Máskeý, Bakýden keıin bizde ótip otyr. Ortalyq Azııada mundaı jarys ótken joq. Sondyqtan bul birinshiliktiń mańyzy óte zor.
24 qazan kúni Almaty qalasynda Boks akademııasynyń ashylýy da aıtýly oqıǵa boldy. О́ıtkeni, Alataý baýraıynda oryn tepken bul sport shańyraǵy keremet. Teńiz deńgeıinen áldeqaıda bıikte daıyndyqtan ótken boksshylardyń áleýeti joǵary bolady. Kóp jaǵdaıda sońǵy raýndtarda jigitter sál-pál bosańsyp qalyp jatady. Al myqty mektep bar jerde, sondaı olqylyq bolmaıdy dep oılaımyn.
Men álem chempıonaty ashylǵan kúnnen beri dúbirli dodany «Qazsport» telearnasynan úzbeı kórýdemin. Boksshylarymyz qýantyp jatyr. Basqa eldiń bylǵary qolǵap sheberleriniń de jarq etip kórinip qalyp jatqandary bar. Nemese, tanymal boksshylar belgisiz qarsylastarynan utylyp qalǵanyn da kórip otyrmyz. Kezdeısoq oqıǵalar bolýda. Árıne, boksshynyń daıyndyǵy, jınaǵan tájirıbesi basty ról atqaratyny daýsyz. Degenmen, barlyq máseleni sharshy alań sheship jatyr. Myqty boksshy almaı qoımaıdy.
Bizdiń jigitterdiń tehnıkalyq daıyndyǵy óte joǵary deńgeıde eken. Bapkerleriniń aqyl-keńesi boıynsha sátti óner kórsetýde. Bári de sharshy alańda bar qaıratyn salyp jatqanyn baıqaýǵa bolady. Alla boksshylarymyzdy oqys jaǵdaılarǵa ushyrap qalýdan saqtasyn.
Menińshe, Ádilbek Nııazymbetovtiń, Danııar Eleýsinovtiń, Jánibek Álimhanulynyń, Mereı Aqshalovtyń áleýetteri joǵary, osy jigitterden úlken úmit kútip otyrmyz. Birjan Jaqypovtyń tájirıbesi óte mol, osy jarysta bar kúshin salatyny sózsiz. Ivan Dychkoda boksshyǵa tán tabıǵı daryn bar.
Álem chempıonatynyń uıymdastyrylýy da jaqsy áser qaldyrýda. Jarys joǵary deńgeıde ótip jatyr. Bir ádemi kórinis, qyzyl buryshqa shyǵatyn boksshyny ulttyq sıpattaǵy qyzǵylt kıimdi qyzdar bastap kele jatady. Al kók buryshtaǵy sportshyny kókshil kóılekti arý qyzymyz sharshy alańǵa alyp keledi. Bul bir kishkentaı másele sııaqty. Biraq, munyń kóńilge shýaq syılaıtyn ulttyq reńki bar.
Astanada ótse, mundaı jarysqa kúnde barar edim. Degenmen, bylǵary qolǵap sheberleriniń ǵajap ónerlerin halqymyzǵa jetkizip otyrǵan «Qazsport» telearnasyna jáne «Qazaqstan» ulttyq arnasyna el turǵyndarynyń aıtar alǵysy sheksiz.
Búgingi tańda boksty qazaqtyń ulttyq brendi desek, qatelespeımiz. Qasıetti halyqtyń ulandary berilip turǵan múmkindikti jibermeı, bıik deńgeıden kórinse dep tileımin. Jigitterge Alla jar bolsyn!
Shalataı MYRZAHMETOV,
Májilis depýtaty.