Takeda farmasevtıkalyq kompanııasy belsendi ǵylymı-zertteý qyzmetin júrgizetin jáne ınnovasııalyq dárilik zattardy ázirleıtin birqatar basym terapevtik baǵyttardy anyqtady, - dep habarlaıdy Egemen.kz.
Negizgi terapevtik baǵyttar: onkologııa, gastroenterologııa jáne ımmýnologııa, nevrologııa jáne genetıkalyq aýrýlar. Maqsatty ınvestısııalar qan plazmasy vaksınalary men preparattaryn ázirleýde de júzege asyrylady. Kúshti ınnovasııalyq ǵylymı-zertteý platformasy kompanııaǵa serpindi ınnovasııalyq tehnologııalarǵa nazar aýdaryp, osy baǵyttardaǵy ónimderdiń jahandyq portfelin damytýdy jalǵastyrýǵa múmkindik berip otyr. Bıznestiń negizgi baǵyttary Takeda jahandyq kompanııasynyń jyldyq jıyntyq kirisin qalyptastyrýǵa úlken úles qosqan.
«Takeda Qazaqstan» JShS (Takeda) bıofarmasevtıkalyq kompanııasy Qazaqstan Respýblıkasynda «Baksalta Qazaqstan» JShS-ne (Shire) qosylý jolymen qaıta uıymdastyrýdyń zańdy prosesiniń aıaqtalǵany týraly habarlady. Qaıta uıymdastyrý nátıjesinde «Baksalta Qazaqstan» JShS óz qyzmetin toqtatty jáne «Takeda Qazaqstan» JShS kompanııasy barlyq mindettemeler boıynsha onyń quqyqtyq muragerine aınaldy. Atalǵan ózgerister birlesken Takeda kompanııasyn qalyptastyrý prosesin tezdetedi, alaıda shyǵarylatyn dárilik zattardyń óndiris prosesine, sapasyna, tıimdiligi men qaýipsizdigine esh áser etpeıdi.
«Shire jáne Takedanyń zańdyq birigý rásiminiń aıaqtalýy qol qoıylǵan jáne kelesimsóz ústindegi sharttar, seriktestik jáne ózge de kelisim-sharttar boıynsha kompanııanyń ózine qabyldaǵan mindettemelerin oryndaýdy jeńildetedi. Biz densaýlyq saqtaý júıesiniń senimdi seriktesi bolýǵa tyrysamyz. Kompanııanyń qaıta uıymdastyrylýy Qazaqstannyń farmasevtıkalyq naryǵyndaǵy Takeda-nyń jetekshi ornyn nyǵaıtyp, qazaqstandyq pasıentter úshin ınnovasııalyq terapııaǵa qoljetimdilikti jedeldetetinine senimdimiz», - deıdi «Takeda Qazaqstan» JShS dırektorynyń mindetin atqarýshy Sabıra Salyhova.
2019 jyldyń qańtarynda jarııalanǵan Takeda kompanııalar tobynyń Shire kompanııalar tobyn satyp alý týraly kelisimi Takeda-ǵa álemdegi TOP-10 farmasevtıkalyq kompanııalardyń qataryna kirýge jáne ǵylymı ázirlemelerge nazar aýdara otyryp, bıofarmasevtıkalyq kóshbasshyǵa aınalýǵa múmkindik berdi.
Birigý arqyly Takeda óziniń geografııalyq bolmysyn keńeıtti jáne Japonııa men AQSh-ta jetekshi orynǵa ıe boldy. Endi 50 000 joǵary bilikti qyzmetkerlerdiń qoldaýymen kompanııanyń álemniń 80-nen astam eli men aımaqtaryna ınnovasııalyq dárilik zattardy jetkizýge múmkindigi bar.
Takeda Pharmaceutical Company Limited (budan ári – Takeda) kompanııanyń jáne onyń ǵylymı-zertteý qyzmetiniń qundylyqtaryna negizdelgen, shtab-páteri Japonııada ornalasqan bıofarmasevtıkalyq preparattardy óndirý salasyndaǵy álemdik kóshbasshy bolyp tabylady. Kompanııa ǵylymı jetistikterin joǵary ınnovasııalyq preparattarǵa transformasııalaý arqyly pasıentterdi emdeýde joǵary nátıjelerge qol jetkizgen.
Atalǵan uıym emdeýdiń jańa nusqalarynyń shekarasyn keńeıtip, jańa tıimdi ónimderdi jasaý úshin Ǵylymı ázirlemeler bólimshesin (R&D) paıdalana otyra, adamdardyń ómirin ózgertýge kómektesetin joǵary ınnovasııalyq dárilik preparattardy jasaýǵa den qoıǵan.