Qazaqstannyń sakraldy geografııasyndaǵy tarıhı jádigerlerdiń deni Ońtústikte shoǵyrlanǵan. Sonyń negizgisi – Túrkistandaǵy Áziret Sultan kesenesi belgili ǵalym Muhtar Qojanyń aıtýynsha, Ortalyq Azııadaǵy eń úlken sáýlet eskertkishi bolyp tabylady, - dep habarlaıdy Egemen.kz.
"Bul keseneniń bir ereksheligi taıqazany, qabir japqyshy sııaqty kóptegen jádigerleri saqtalyp qalǵan. Altynmen jazylǵany quran kitaby qazir Almatyda tur. Mundaı jádigerler Ortalyq Azııadaǵy birde bir eskertkishte saqtalmaǵan", – dedi ǵalym búgin Túrkistanda ótken "Túrkiler tóri Túrkistan" onlaın konferensııasynda.
Qazaqstannyń sakraldy geografııasyndaǵy tarıhı jádigerlerdiń deni Ońtústikte shoǵyrlanǵan. Osydan 3 jyl buryn ázirlengen Qazaqstannyń kıeli 100 nysanynyń 23-i Ońtústik óńirinde ornalasqan. Sol 100 nysannyń 12-i ǵana ekinshi orynda turǵan Qaraǵandy oblysynan engen eken. Endi osy qasıetti oryndardyń ádebıettegi kórinisi qandaı? Búgingi ádebıette qasterli mekenderimiz qanshalyqty dáriptelip, qamtylyp júr? "Biz osy qasterli oryndardy nasıhattaýda, ásirese jastarǵa tanytýda ádebı salanyń múmkindikterin qanshalyqty paıdalana alyp otyrmyz?" degen saýaldar sanany mazalaıtyny ras. El aýzynda kıeli oryndar kóp aıtylyp júrgenimen, kópshilik naqty derekterdi bile bermeıdi. Bul olqylyqtyń ornyn toltyrýǵa da qalamgerler qaýymy súbeli úles qosary anyq. Mańyzdy tarıhı derekterdi ádebı kórkem tilmen áspetteı otyryp kópshilik aýdıtorııaǵa jetkizýdiń orasan paıdasy bolatyny sózsiz.
"Elbasynyń "Bolashaqqa baǵdar: rýhanı jańǵyrý" maqalasyndaǵy basty alty baǵyttyń biri – "Qazaqstannyń kıeli jerleriniń geografııasy" jobasy. Bul jobany júzege asyrýdyń maqsaty – halyqtyń ulttyq biregeıligin jáne qundylyqtaryn bekemdeý jáne osy arqyly jat ıdeologııaǵa tótep beretin qalqandy nyǵaıtý. Iаǵnı, bizdiń bolashaq urpaqqa tárbıe berý, ulttyq bolmysymyzdy joǵaltyp almaýdyń qamy. Túrkistannyń qaıta túleýi – ulttyq bolmysymyzdyń, rýhymyzdy qaıta oıanýynyń birden-bir kórinisi desek artyq aıtpaǵan bolar edik. Túrkistannyń jańǵyrýy tek qurylys jumystary, sáýlet ónerimen ǵana shektelmeýi tıis, ol tarıhı, ádebı jáne pýblısıstıkalyq jańa týyndylarmen, shyǵarmalarmen de qýattalýy tıis", – dedi atalǵan onlaın konferensııanyń moderatory, Jýrnalıster odaǵy Túrkistan oblystyq fılıalynyń tóraǵasy, "Egemen Qazaqstan" gazetiniń Túrkistan oblysyndaǵy tilshisi Ǵalymjan Elshibaı.
Konferensııa barysynda belgili jazýshy Marhabat Baıǵuttyń "Túrkiler tóri Túrkistan" kitabynyń tanystyrylymy ótti. Jazýshynyń 75 jyldyǵy aıasynda jaryq kórgen kitapta Túrkistan óńiriniń syrly tarıhy, kıeli jerleri esse túrinde baıandalǵan. Jıynǵa ǵalymdar, jazýshylar, Senat, Májilis, oblystyq máslıhat depýtattar, baýyrlas Túrkııa, Ázirbaıjan, О́zbekstan elderiniń ádebıetshiler, ǵalymdary qatysyp, oı-pikirlerin bildirdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.