Dana Abaıdyń ǵıbratty qara sózin jatqa aıtatyndar kóp. Sonyń biri – Asylym Izǵalı. Atyraý qalasyndaǵy №40 orta mekteptiń 5-synybyna baratyn ol sabaqtan tys ýaqytta qazaq aqyn-jazýshylarynyń shyǵarmalaryn oqyǵandy unatady. Jaqynda aqynnyń qara sózderinen úzindi oqyp, synyptastaryna chellendj retinde joldady.
Uly oıshyldyń óleńderi men qara sózderin túgelge derlik jatqa aıtady. Qazaq ertegilerin de biledi. Bı úıirmesine qatysady. «Jaıyq qyzy» bı ansambliniń quramynda «Qazaqstan talanttary» I respýblıkalyq rýhanı-patrıottyq baıqaýyna qatysyp, birinshi dárejeli dıplommen marapattalǵan.
– Abaıdyń shyǵarmalary – máńgilik muramyz. Alǵash ret aqyn shyǵarmalarymen tanystyryp, kórkem sóz oqýǵa baýlyǵan ustazdarym Aınur Isaǵalıeva men Zoıa Meńdiǵalıeva bolatyn. Qyzylqoǵa aýdanynyń Qarabaý orta mektebinde tarıh páninen dáris beretin Izǵalı atam el tarıhymen, ádebı shyǵarmalarmen keńirek tanysqanymyzdy qalaıdy. Ásirese uly aqyn Abaıdyń óleńderi men qara sózderin jatqa aıtyp júrmin, – deıdi Asylym Izǵalı.
Atyraý oblysy