Mektep balasy dápterine «Jıyrmanshy qyrkúıek» dep jazsa, ustazynan sógis estıtini anyq.
Alaıda ulttyq termınologııanyń negizin qalaǵan Ahmet Baıtursynuly biz «jıyrmasynshy» dep ádiptep júrgen rettik san esimdi «jıyrmanshy» dep jazǵan eken. Ahań nege bulaı qate jazdy eken? – degen oımen bilikti ǵalymdarǵa júginip kórýdi jón kórdik. Almatydaǵy A.Baıtursynuly atyndaǵy Til bilimi ınstıtýty grammatıka bóliminiń meńgerýshisi, fılologııa ǵylymdarynyń doktory Ornaı Jubaevaǵa habarlasyp edik, ǵalym:
– Baıtursynuly «jıyrmasynshy» demeıdi, «jıyrmanshy» deıdi. Shyndyǵynda, sol durys. Qazirgi qısynǵa salsaq, «ekinshi», «jetinshi» degen sózder «jıyrmasynshy» sııaqty «ekisinshi», «jetisinshi» bolyp jazylýy kerek qoı. Muny Ahmet Baıtursynuly da, Eldes Omarov ta, Máýlen Balaqaev ta «jıyrmanshy» dep qoldanǵan. Keıingi orfografııalarda qate berilip júr. Ol durys emes, – dedi.
Endi qaıtpek kerek? Eshten kesh jaqsy dep emleni túzeımiz be, álde Baıtursynulynykin qate sanap, kózjumbaıǵa salyp júre beremiz be? Aıtpaqshy, О́zbekstan qazaqtary da Ahańsha, jıyrmanshy dep sóıleıdi.
Qostanaı oblysy