Pavlodar oblysynda joǵalyp ketken Anastasııa Sharıpovany osymen besinshi táýlik izdestirýde. Ishki ister departamenti qaza bolýy múmkin degen boljammen qylmystyq is qozǵady. Bul týraly «Jetinshi» telearna habarlady.
«Quqyq qorǵaý qyzmetkerlerine aýyl turǵyndary da kómektesýde. Sondaı-aq joǵalyp ketken búldirshindi áýeden baqylaıtyn paraplanermen izdestirý ústindemiz»,-deıdi oblystyq ishki ister departamenti baspasóz qyzmetiniń mamany Alma Musabekova.
Osydan birer kún buryn 8 synyp oqýshysy A. Sharıpovanyń joǵalyp ketkeni týraly buqaralyq aqparat quraldarynda árqıly derek jarııalandy. Sonyń birinde onyń dúısenbide sabaqtan shyǵyp, úıine bet alǵany aıtylǵan bolatyn. Ázirge balanyń naqty qaıda baǵyt alǵany jóninde tııanaqty derek joq. Anastasııanyń sýreti oblys kólemine ilinip, ony izdestirýge 200-ge tarta tártip saqshysy jumyldyryldy.
Baqytbek Keneshuly.