Mańǵystaý oblysynyń Jańaózen qalasyndaǵy №66/56 áskerı bólim komandıriniń orynbasary quqyq qorǵaý qyzmetkerlerine para alaý ústinde qolǵa tústi. Bul týraly «Habar» telearnasy habarlady.
Bul áskerı qyzmetker «Eko proekt» jobalaýshy kompanııasynyń ókilimen birlesip, áskerı qalashyqtyń qurylysyna jaýapty merdigerden 1 mln. teńge para talap etken. Olar osy somany aktige qol qoıý úshin suraǵan kórinedi. Alaıda eki sybaılas para alý sátinde quqyq qorǵaý qyzmetkerleriniń qolyna tústi. «Áskerı bólimniń tyl jónindegi orynbasary, maıor Kósherbaev jáne «Eko proekt» jobalaý kompanııasynyń ókili Abýbakırov para aldy degen kúdikpen ustaldy. Sondyqtan olar sot sanksııasymen qamaýǵa alyndy»,-deıdi Jańaózen aımaǵy boıynsha qarjy polısııasy basqarmasynyń bastyǵy Jánibek Tólepqalıev.
Álgi biz joǵaryda atap ótken Jańaózen qalasyndaǵy jańadan salynyp jatqan áskerı qalashyq eken. Endi jaqyn arada sot qos sybaılastyń áreketine qatysty sheshim shyǵaratyn bolady.
Baqytbek Keneshuly.