Saılaý zań talaptaryna saı ótti

Ortalyq saılaý komıssııasy 27 qazanda elimizdiń 14 óńi­rinde 72 saılaý okrýgindegi shyǵyp qalǵan máslıhattar de­pý­tat­­tarynyń ornyna saılaý ótkizýdiń nátıjesin jarııa etti.

Saılaý naýqanynyń nátı­je­sinde oblystyq, Astana qala­synyń 18 qalalyq jáne 36 aýdandyq máslıhattarynyń de­pýtattary saılanǵan-dy. OSK baspasóz hatshysy Venera Jek­sembekovanyń sózine qaraǵanda, dodaǵa qosylǵan 244 kandıdattyń 77-sin saıası partııa­lar men qoǵamdyq birlestikter usynsa, al qalǵan 167-si ózin ózi usynǵandar. Solardyń tek 185-i kandıdat retinde saılaý bıýlletenderine engizilse, ortasha básekelestik bir depýtattyq mandatqa 2 kandıdattan kelgeni belgili bolyp otyr.

Ortalyq saılaý komıssııasy 27 qazanda elimizdiń 14 óńi­rinde 72 saılaý okrýgindegi shyǵyp qalǵan máslıhattar de­pý­tat­­tarynyń ornyna saılaý ótkizýdiń nátıjesin jarııa etti.

Saılaý naýqanynyń nátı­je­sinde oblystyq, Astana qala­synyń 18 qalalyq jáne 36 aýdandyq máslıhattarynyń de­pýtattary saılanǵan-dy. OSK baspasóz hatshysy Venera Jek­sembekovanyń sózine qaraǵanda, dodaǵa qosylǵan 244 kandıdattyń 77-sin saıası partııa­lar men qoǵamdyq birlestikter usynsa, al qalǵan 167-si ózin ózi usynǵandar. Solardyń tek 185-i kandıdat retinde saılaý bıýlletenderine engizilse, ortasha básekelestik bir depýtattyq mandatqa 2 kandıdattan kelgeni belgili bolyp otyr.

Osy rette daýys berý 547 saılaý ýchaskesinde ótkenin aıta ketý kerek. Saılaýshylar tizimine 478 344 adam engizilse, daýys berýge solardyń 338 016-sy qatysypty. Bul jalpy respýblıkalyq kórsetkish boıynsha saılaýshylardyń 70,7 paıyzy qatysty degendi bildiredi. Sondaı-aq, daýys berý barysy men sanaq rásimin kandıdattardyń 347 senim bildirilgen adamy, saıası partııalardyń 281 ókili, qoǵamdyq birlestikterdiń 109 ókili jáne buqaralyq aqparat quraldarynyń 76 ókili baıqaǵany da aıtylmaı qalmady.

OSK baspasóz hatshysynyń sózine qaraǵanda, saılanǵan máslıhat depýtattarynyń quramy boıynsha 52-si (72,2 paıyzy) er adam bolyp otyr. Al saılanǵan áıel depýtattar – 20 adam (27,8 paıyz). Saılanǵan depýtattardyń ortasha jasy 47-ni quraıdy. Oblystyq jáne Astana qalasy máslıhattarynyń ortasha jasy 51 jas bolsa, aýdandyq máslıhattar depýtattaryniki – 47, al qalalyq máslıhattar depýtattaryniki – 45 jas. 67 depýtattyń joǵary bilimi bar eken. Mamandyǵy boıynsha alar bolsaq, saılanǵandardyń 19-y ınjener (26,4 paıyz); 13-i ekonomıst (18,1 paıyz) kórinedi. Budan basqa depýtattar qatarynda 10 (13,9 paıyz) oqytýshy, 8 (11,1 paıyz) dáriger, 5 (6,9 paıyz) aýyl sharýashylyǵy mamany (agronomdar, mal dárigerleri jáne bas­qalary) bar bolyp shyqty. Sonymen qatar, depýtattar arasynda 5 (6,9 paıyz) zańger, 6 (8,3 paıyz) basqa mamandyq ıeleri bolsa, bir adam óz mamandyǵyn kór­setpepti. 5 saılanǵan depýtattyń ortasha arnaýly bilimi bar eken. V.Jeksembekovanyń málimetinshe, naýqan saılaý zańnamasy talaptaryna saı ótken. Ortalyq saılaý komıssııasyna 4 aryz kelip tússe, sonyń barlyǵyna Ortalyq saılaý komıssııasynyń zańgerleri naqty jaýaptar qaıtarǵan.

Asqar TURAPBAIULY,

«Egemen Qazaqstan».