Keshe Ortalyq kommýnıkasııalar qyzmetinde Qarjy mınıstri Bolat Jámishevtiń qatysýymen baspasóz máslıhaty boldy. Onda mınıstr 11 qazanda Memleket basshysynyń tóraǵalyǵymen ótken Úkimettiń keńeıtilgen otyrysynda júktelgen tapsyrmalardyń oryndalý barysy týraly baıandady.
Atalǵan otyrysta Elbasy túgel ıgerilmegen qarajattarǵa qatysty máselelerdi tyńǵylyqty sheshýdi tapsyrǵany málim. Sonda Prezıdent keltirgen derekke qaraǵanda, boljam boıynsha túgel ıgerilmegen qarajattyń kólemi 150 mlrd. teńge edi.
Keshe Ortalyq kommýnıkasııalar qyzmetinde Qarjy mınıstri Bolat Jámishevtiń qatysýymen baspasóz máslıhaty boldy. Onda mınıstr 11 qazanda Memleket basshysynyń tóraǵalyǵymen ótken Úkimettiń keńeıtilgen otyrysynda júktelgen tapsyrmalardyń oryndalý barysy týraly baıandady.
Atalǵan otyrysta Elbasy túgel ıgerilmegen qarajattarǵa qatysty máselelerdi tyńǵylyqty sheshýdi tapsyrǵany málim. Sonda Prezıdent keltirgen derekke qaraǵanda, boljam boıynsha túgel ıgerilmegen qarajattyń kólemi 150 mlrd. teńge edi. Osynaý qomaqty qarjynyń nege ıgerilmegenin jáne onyń sebep-saldaryn áńgimelegen mınıstr kóp máseleniń betin ashty. «Bul 150 mlrd. teńge 2014 jyldyń qańtaryna deıin ıgerilmeı qalýy yqtımal qarjy. Negizi ol qarjy bıýdjettiń baǵdarlamalar ákimshileri usynǵan respýblıkalyq bıýdjet qarajatyn ıgerý jónindegi derekterden alynǵan edi», dedi B.Jámishev.
Vedomstvo basshysy jýrnalısterge bul 150 mlrd. teńgeniń qaıda, qalaı jumsalyp retteletinin jiliktep berdi. «Ondaǵy 7,1 mlrd. teńge bıyldan qalǵan qaldyqtardy kelesi jyly qarjylandyrýǵa jumsalady. Al 72,1 mlrd. teńge – bıýdjetti únemdeýden quralǵan qarajat. Mysaly, memlekettik satyp alýlardan, ınflıasııa qarqynyn baıaýlatýdan, memlekettik baǵaly qaǵazdar boıynsha syıaqynyń tólenbeýinen, baǵdarlama qatysýshylaryn ońaltýdan jáne kólemi jaǵynan az sýbsıdııalardy paıdalanýdan únemdelgen qarajat. Sondaı-aq, qarjy ınstıtýttary men lızıng alýshylar arasynda jasalǵan qarjy lızıngi sharttarynyń da az bolýynan únemdelgen», dedi mınıstr.
Mınıstr keltirgen derekterge júginsek, bıylǵy jyly aýyl sharýashylyǵy salasyndaǵy túrli sharalarǵa da qarjy belgilengen jospardan az jumsalǵan. Atap aıtqanda, janýarlardyń asa qaýipti aýrýlary – aýsyl, sibir jarasy, sheshek jáne taǵy basqa qaterli dertterge qarjy shyǵyny azaıǵan. Sondaı-aq, mal sharýashylyǵyn damytý úshin beriletin sýbsıdııalarǵa da suranystar az bolypty. Oǵan qosa, áleýmettik túrli shyǵyndar da ájeptáýir yqshamdalypty. Máselen, «Jumyspen qamtýdyń jol kartasy-2020» baǵdarlamasyna qatysýshylardyń sany aıtarlyqtaı azaıǵan, Nazarbaev zııatkerlik mektepteriniń nysandaryn salýda da qarjy únemdelip, turǵyn úı tólemderin alýshylar sany da kemigen eken. Munymen birge, birqatar laýazymdy oryndardyń bos turýy da joǵaryda atalǵan qarjynyń ulǵaıýyna sebep bolǵan. О́ıtkeni, sol bos oryndarǵa eńbekaqy tólenbegen.
«Al, 70,8 mlrd. teńgeniń ıgerilmeı qalýynyń túrli sebepteri bar. Ol, meniń oıymsha, óz ýaqytynda ótpeı qalǵan konkýrstardan, tapsyrys berýshilerdiń shart talaptaryn buzýynan, oryndalǵan jumystardyń esebin der kezinde berip otyrmaýdan, taǵy basqa bıýdjettik baǵdarlamalar ákimshileriniń túrli is-sharalarynyń oryndalmaýy saldarynan shyqqan qarajat. Árıne, kórsetilgen qarajat kólemi tym úlken. Biraq ýaqyty kele ol qarjylar óz júıesin tabatyn bolady», dedi B.Jámishev. Mınıstr Memleket basshysynyń tóraǵalyǵymen ótken keńeıtilgen otyrysta berilgen tapsyrmalardyń bári tııanaqty oryndalyp jatqanyn tilge tıek etti.
Baspasóz máslıhatynyń sońynda Qarjy mınıstri BAQ ókilderiniń qoıǵan túrli saýaldaryna jaýap berdi.
Nurbaı ELMURATOV,
«Egemen Qazaqstan».