Memleket basshysynyń Qazaqstan halqyna Joldaýynda ınvestorlardy qoldaý sharalary atap aıtyldy.
Atap aıtar bolsaq, Prezıdent Úkimetke mańyzdy óndiris pen eksporttyń basym baǵyttaryn anyqtaýdy tapsyrdy. Olardy qoldaý sharalaryn da keńeıtý keregin eskertti. Sonymen birge osy maqsatta granttar men qarjylyq qoldaý, eksportty kólemin arttyrý mehanızmderin qarastyrý tapsyryldy.
"Investorlardyń qarjysyn salyqtan bosatý arqyly qaıtarýǵa bolady. Memlekettik jáne kvazımemlekettik sektorlar tarapynan satyp alýlardy qamtamasyz etý qajet. Eń mańyzdysy, jobany iske asyrý kezinde zańnyń turaqtylyǵyn qamtamasyz etý kerek.
Memleket pen ınvestorlar arasyndaǵy kelisimdi bekitý maqsatynda jańa qural – Strategııalyq ınvestısııalyq kelisim qolǵa alynady. Atalǵan bastamany «Ekonomıkalyq ósimdi qalpyna keltirý» zań jobasynyń negizinde jyl sońyna deıin iske asyrý qajet", dedi Q.Toqaev Joldaýda.