Aýyl ekonomıkasyn ilgeriletý mindeti tur

Memleket basshysy damý­dyń negizgi baǵdaryn aıqyn­dady, biraq bizde basshylyq­tyń tapsyrmalary nashar nemese ýaqytynan tys oryndalatyn jaǵdaılar kóptep kezdesedi. Sondyqtan qazir bizge atqarýshy organdarda temirdeı tártip kerek. Osy­ǵan baılanysty Memleket bas­shy­sy bılik vertıkaly qalaı óz­geretinin anyqtap berdi. Shyn máninde, mınıstrlerge mártebeden bólek jumys isteý múmkindikterin berý­den bastap, kóp nárse jańa­rady, sonymen birge olar­dyń jaýapkershiligi de arta­dy. Ekinshi jaǵynan, biz bú­gin jergilikti ózin ózi bas­qa­rý jobalary nyǵaıyp jatqa­nyn estidik. Iаǵnı biz aýyl ákimderin saılaýǵa birtindep kóshemiz. Bul – óte mańyzdy jáne bizdiń elimizdiń saıası jú­ıesindegi úlken ózgeristerdiń bastalýyn bildiredi.

Agrarlyq sektorǵa keletin bolsaq, men búgin Memleket bas­shysynyń jeke qosalqy sharýa­shylyqtardy damytýǵa, olar­dyń yntymaqtastyǵyna na­zar aýdarǵanyna qýanyp otyr­myn. Bizde jeke qosalqy mal­dyń 70%-y bar. Bul daıyn bıo­logııalyq aktıv, biz ony tek paı­da­lanýymyz kerek. Biz­diń el jaıylymdyq kólemi bo­ıyn­sha álemde 5-shi orynda tur. 188 mıllıon gektar ja­ıy­­lym­dyq jáne shabyndyq jer­ler bar. Biraq biz aýyldyq eldi me­kenderdi jaıylymmen to­­lyq­taı qamtamasyz ete almaı otyrmyz. Shyndyǵynda, biz o­lardy ashtyq dıetasynda us­­­taı­­myz. Sondyqtan eger biz bul má­se­leni sheshetin bolsaq, on­da elimizde bir­den et pen sút ón­di­risi kem degende 30% ósetin bolady.

Aqylbek KÚRIShBAEV,

Senat depýtaty