Memleket basshysy Qazaqstan halqyna Joldaýyn memlekettik basqarý salasyn reformalaý máselesinen bastady. Barlyq salada oń nátıjege, ilgerileýge qol jetkizý úshin memlekettik basqarýdyń durys baǵytta bolýy mańyzdy.
Memlekettik basqarýdyń tıimsizdigi men memlekettik qyzmettiń tartymdy bolmaýy tejeýish faktorlar.
Joldaýda úlken ózgerister jóninde aıtyldy. Birden 4 qurylymnyń jasaqtalatyny málim boldy. Eń aldymen sheshimderi talqyǵa salynbaıtyn Reformalar jónindegi prezıdenttik keńes qurylatyny habarlandy. Atalǵan qurylym qazir jumysy biraz baıaýlaǵan Úkimetke qarasty Ekonomıkalyq saıası keńestiń ornyn basady dep kútilýde. Zeınetaqy júıesi, áleýmettik saıasatqa qatysty reformalar Memleket basshysynyń deńgeıinde talqylanyp, sheshilýi tıis. Búginde osyndaı naqty sheshim qabyldaıtyn qurylym jetispeı jatyr edi.
Odan keıin Strategııalyq josparlaý jáne reformalar, Básekelestikti qorǵaý jáne damytý agenttikteriniń jasaqtalatyny jóninde aıtyldy. Ulttyq ekonomıka mınıstrliginiń mindetinde bolǵan bul fýnksııalar Prezıdent Ákimshiligine tapsyryldy. Endigi kezekte Prezıdent Ákimshiligi tapsyrma berip, ony baqylaýyna alady, Úkimet oryndaǵan jumystyń tıimdiligin saralaıdy. Buǵan deıin memlekettik qyzmetkerler ózderi tapsyrma oryndap, ózderi baqylaıtyn. Shyndap kelgende sol sebepke baılanysty qanaǵattandyrarlyq nátıjege qol jetpeıtin.
Taǵy bir qýantarlyq jaıt, Tótenshe jaǵdaılar mınıstrliginiń qurylýy. Jýyrda ózim de órtpen betpe-bet keldim. Tótenshe jaǵdaı qyzmeti qarjylandyrýdy qajet etedi. О́ıtkeni tabıǵı apattyń sany kemı qoımaıdy.
Rahym OShAQBAEV,
Ulttyq qoǵamdyq senim keńesiniń múshesi, «Talap» qoldanbaly zertteýler ortalyǵynyń dırektory