Mınıstr Atyraý munaı óńdeý zaýytyndaǵy aǵyn sýlardy tazalaý qurylǵylarynyń modernızasııasymen tanysty. Sondaı-aq, munda mehanıkalyq tazalaý ǵımarattarynyń, aǵyn sýlardyń ashyq toǵandarynyń rekonstrýksııasyn, 860 gektar aýmaqtaǵy "Týhlaıa balka" býlaný alańynyń rekýltıvasııasyn júzege asyrýǵa baǵyttalǵan "Tazalyq" jobasy iske asyrylyp jatyr, dep habarlaıdy Egemen.kz
Zaýyt basshylarynyń aqparatyna sáıkes, mehanıkalyq tazartý ǵımarattarynyń rekonstrýksııasy 2021 jyly aıaqtalady. Qalǵan jumystardy 2023 jyly aıaqtaý kózdelip otyr.
«Bul jumysty sapaly ári tezirek jasaý kerek. Aımaqtaǵy ekologııalyq jaǵdaı men atyraýlyqtardyń ómir sapasy osyǵan tikeleı baılanysty. Jobany jedeldetý qajet»,- dedi mınıstr Maǵzum Myrzaǵalıev.
Ekologııa, geologııa jáne tabıǵı resýrstar mınıstrliginiń tapsyrmasyna sáıkes Atyraý munaı óńdeý zaýytynda aýanyń lastanýy jónindegi aqparatty qaladaǵy LED-ekrandarǵa jarııalaý bastaldy. Al atalǵan mınıstrlik Atyraý oblysyndaǵy ekologııalyq problemalardy sheshý úshin Jol kartasyn daıyndap jatyr.