Memleket basshysy «Jańa jaǵdaıdaǵy Qazaqstan: is-qımyl kezeńi» atty Joldaýynda «Aýyl sharýashylyǵyn damytpaı, básekege qabiletti ekonomıka qurý múmkin emes. Bul salada sheshimin tappaı kele jatqan ózekti máseleler bar.
Atap aıtqanda, jurttyń jerge qol jetkize almaýy, uzaq merzimge beriletin «arzan nesıeniń» bolmaýy, kásibı mamandardyń tapshylyǵy» dep sharýalardyń oıynda júrgen túıindi máselelerdi tizip shyqty.
Ras, jer-jerlerde fermerlerdiń sharýashylyq maqsattaǵy jerden tarshylyq kórip otyrǵany belgili. Máselen, egistik alqabyńdy keńeıtip, el ekonomıkasyna úles qosqyń-aq keledi. Alaıda egistikke qolaıly aýmaqty jer qoınaýyn paıdalanýshylar rásimdep alyp qoıady. Olarǵa basymdyq kóp beriletini de shyndyq. Sonymen qatar shuraıly jerlerdi keńes ókimeti tusynda ıelenip alyp, osy kúnge deıin ıgermeı jatqan azamattar da bar. Sondaı-aq Prezıdent aıtyp ótken uzaq merzimdi «arzan nesıe» kásipkerler úshin óte tıimdi bolar edi. Qazirgi tańda paıyzy joǵary nesıeniń ózin jyl júrip ázer alamyz. Qaǵazbastylyq kóp. Memleket basshysy mán bergen nesıe máselesi bir tereze arqyly, az ǵana qujatpen rásimdelse durys bolar edi. Al sýbsıdııaǵa bólinetin qarjyny da bankter arqyly az paıyzben nesıe retinde kásipkerlerge berse ekonomıkanyń artýyna yqpalyn tıgizer me edi?! Olaı bolatyn bolsa, sharýa qojalyǵynyń basshysy alǵan nesıesimen kásibin dóńgeletip, jumysshylarǵa jaǵdaı jasap berer edi. Áıtpese jylyna beriletin sýbsıdııaǵa tehnıkany jańartý, jumysshylardy baspanamen qamtý múmkin emes. Sondyqtan Prezıdent Joldaýynda aıtylǵan máselelerdiń júzege asýy – siz ben bizge baılanysty.
Qýanysh SÚLEIMENOV,
«Shalabaı» JShS dırektory
Shyǵys Qazaqstan oblysy,
Jarma aýdany