Maqsat aıqyn, mindet kóp

Biz bul Joldaýdy taǵat­syz­dana kúttik. Sebebi birinshi kezekte qazirgi kúrmeýi qatty kúrdeli kezeńnen qalaı ótetinimizge aıqyn jospar kerek edi. Sol jospardy, eń aldymen qandaı naqty mindetterdi júzege asyrý qajettigin anyqtap alý mańyzdy desek, Prezıdenttiń bıylǵy Joldaýy soǵan jaýap bergen baǵdarsham boldy. Bul Joldaý – adastyrmas aq juldyz, eldiń baq juldyzy.

Bıylǵy Joldaýda kezek kút­tir­meıtin ózekti máseleler bilgir­likpen baıypty baıandalǵan.

Memleket alyp báıterek dep beıneleıtin bolsaq, aýyl – onyń tereńge tartqan tamyry. Tamyr sýalsa, báıterek qýraıdy, qulap ta qalady. Sol aýyl-anany qulatpaıtyn qasıetti qaınar – aýyl sharýashylyǵy. Bul týraly Joldaýda:

«Aýyl sharýashylyǵyn damytpaı, básekege qabiletti ekonomıka qurý múmkin emes.

Bul salada sheshimin tappaı kele jatqan ózekti máseleler bar. Atap aıtqanda, jurttyń jerge qol jetkize almaýy, uzaq merzimge beriletin «arzan nesıeniń» bolmaýy, kásibı mamandardyń tapshylyǵy.  

О́nimdilikti arttyryp, shı­ki­zat óndirýmen ǵana shektelmeý úshin, sondaı-aq qoıma jáne kó­lik ınfraqurylymyn damytý maqsatynda shuǵyl sharalar qa­byldaý kerek.

Elimizde et, jemis-jıdek, kókó­nis, qant, bıdaı, maıly daqyldar, sút ónimderin óndirý jáne óńdeý úshin 7 iri ekojúıe qalyptastyrýǵa bolady. Balyq sharýashylyǵyna da erekshe mán bergen jón.

Qosymsha qun qalyptas­ty­rýdyń ózegi sanalatyn iri jobalar mańyzdy ról atqarýǵa tıis.

Vertıkaldy kooperasııa aıa­syn­da jeke qosalqy sharýa­shy­lyq­tyń áleýetin paıdalanǵan abzal.

Jeke sharýashylyq mıllıon­daǵan aýyl turǵyndaryna tabys ta­býǵa múmkindik bere alady. Olar­dy óńirlik azyq-túlik habta­ryn qurýǵa jumyldyrý kerek», depti Memleket basshysy. Qor­ǵa­syn quıylyp alshy túser asyqtaı kókeıge qona ketti bul sóz.

Bıylǵy Joldaýdyń mańyz­dy­lyǵy sonsha onyń ár bólimi, ár tar­maǵy ǵana emes, ár sóılemi tu­nyp turǵan oralymdy oı, el qa­myn jegen erdiń esten ketpes sózi!

Memleket basshysy Qasym-Jomart Kemeluly Toqaevtyń ha­lyqqa Joldaýdaǵy altynnan qym­bat asyl sózder júrekten shy­ǵyp, júrekterge jetti. Maqsat aıqyn, mindet kóp. Endi Joldaýda alǵa qoıǵan maqsatqa jetý úshin ter tógý kerek. Muzafar Álimbaevtyń sózimen aıtsam:

Men bilemin ne tabýdy,

ne izdep,

Eńbek qana eldiń uly degizbek.

Memleket basshysynyń:

«Qazaq zııalylarynyń jańa kezeńdegi mindeti – ult bolmy­synyń jańa qaǵıdattaryn or­nyqtyrý. Sondaı-aq ult sapasyn arttyrýǵa atsalysý.

Jańǵyrǵan qoǵam jat ádet­ter­den birtindep arylýy kerek.

Ysyrapshyldyq pen dań­ǵa­zalyq qoǵamnyń da, adamnyń da abyroıyn tógedi. Jaýapsyzdyq, nemquraıdylyq búkil eldi qasi­retke ushyratady. Al bos sózdilik pen bóspelik, maqtanshaqtyq qoǵamnyń damýyn tejeıdi. Bul týraly uly Abaı «О́ńkeı jalǵan maqtanmen, shynnyń betin boıaıdy» dep ashyq aıtqan. Bul másele búgingi kúni de ózekti bolyp otyr», degen asa salmaqty, asqan salıqaly sózi jadymyzda jaqsy jyrdaı jattalyp qaldy.

Sábıt DOSANOV,

jazýshy, Memlekettik syılyqtyń laýreaty