Shaǵyn jáne orta bıznestiń órken jaıýyn qamtamasyz etý, uqsatý kásiporyndaryn kóbeıtý, shetke shıkizattyq emes ónim shyǵarýdyń kólemin ulǵaıtý sııaqty ózekti máseleler elimiz ekonomıkasyn damytýdyń kepili ekenin Elbasy aıtyp keledi. Alaıda, kásipkerlikti damytýdyń ishki tetikterin jetildirý qajet-aq. О́zge de sheshimin kútken problemalary jeterlik.
Shaǵyn jáne orta bıznestiń órken jaıýyn qamtamasyz etý, uqsatý kásiporyndaryn kóbeıtý, shetke shıkizattyq emes ónim shyǵarýdyń kólemin ulǵaıtý sııaqty ózekti máseleler elimiz ekonomıkasyn damytýdyń kepili ekenin Elbasy aıtyp keledi. Alaıda, kásipkerlikti damytýdyń ishki tetikterin jetildirý qajet-aq. О́zge de sheshimin kútken problemalary jeterlik.
Sondyqtan, qyrkúıek aıynda Qazaqstan kásipkerleriniń ulttyq palatasyn qurý týraly respýblıka Úkimeti men «Atameken» Odaǵy» ulttyq ekonomıkalyq palatasy birlesken sheshim jasaǵan edi. Qostanaıda osy uıymnyń óńirlik keńesi quryldy. Onyń alǵashqy otyrysyna Kásipkerlerdiń ulttyq palatasynyń basqarma tóraǵasy Abylaı Myrzahmetov qatysty. Ol oblys kásipkerlerine jańadan qurylǵan qurylymnyń mindetin túsindirdi.
– Elimizde kásipkerlerdiń túrli qaýymdastyǵy tolyp jatyr. Alaıda, olardyń barlyǵy da óz múddelerin qorǵaýda tabandylyq kórsete almaıdy. Osy oraıda tıimdi, isinen nátıje kórinetin áriptes kerek boldy. Kásipkerlerdiń ulttyq palatasy kásipkerlerdiń múddesin qorǵaıdy, otandyq kásiporyndarǵa qoldaý jasaıdy, kásiptik bilim berýdi pysyqtaıdy, syrtqy ekonomıkalyq baılanystar men qyzmetke yqpal etedi, – dedi Abylaı Myrzahmetov. Tóraǵanyń aıtýynsha, kásipkerler múddesin toǵystyratyn bul uıym jumysynyń túpkilikti nátıjesi óńirlerdegi sapaly ekonomıkalyq baǵdarlamalardan da kórinetin bolady. Ár baǵdarlama ornymen júzege asqanda ekonomıka qýattana, áleýmettik sala kórkeıe túsetini aıtpasa da túsinikti.
Ulttyq kásipkerler palatasy óńirlik keńesiniń tóraǵasyna qostanaılyq kásipkerler Vasılıı Rozınovty bir aýyzdan saılady. «Ivolga-Holdıng» jaýapkershiligi shekteýli seriktestiginiń dırektory Vasılıı Rozınov respýblıkada kásipkerlikti damytý isine belsene qatysyp júr. Ol osy saladaǵy kóptegen ózekti máseleniń sheshimin tabýyna, tetikterdi, jetildirýge jańa qurylymnyń yqpaly úlken bolatyndyǵyna senimdi ekenin aıtty.
– Atqarýshy bılikpen áriptestikke kásipkerlerdi kóptep tartýdyń qajettiligi týdy. Munyń barlyǵy zańmen, tetiktermen rettelse eki jaqqa da tıimdi bolady, bıznestiń qadamy ashylady. Men «Atameken» Odaǵynyń» bastaýynda turǵandardyń birimin. Alǵashqy kezde aýyl sharýashylyǵy ónimderin óndirýshilerdiń óz múddesin qozǵaǵan suraýlaryna eshqandaı jaýap ala almaıtynbyz. Keıinnen bir qaınaýy ishindegi zańdar, normatıvtik aktiler kele bastady. Mysaly, astyq týraly zań sonyń aıǵaǵy. Elbasy Nursultan Nazarbaev eskertkendeı, kásipkerlerdiń shoǵyrlanýy, birigýi bul ekonomıkanyń kúsh alýyna kepil bolady. Sondyqtan, búgingi ulttyq kásipkerlik palatasynyń, onyń óńirlik keńesiniń qurylýy aldaǵy ýaqytta nátıjeli jumys isteýdiń tıimdi quralyna aınalady, – dedi Vasılıı Iosıfovıch.
Ulttyq kásipkerler palatasy óńirlik keńesiniń ashylýyn oblys ákimi Nuraly Sádýaqasov bıznesti damytý jolynda jumys isteýdiń, problemalardy sheshýdiń jańa satysyna kóterilýi dep baǵalady.
Názıra JÁRIMBETOVA,
«Egemen Qazaqstan».
QOSTANAI.