Keshe Aqordada Memlekettik hatshy Marat Tájın Qazaqstan Respýblıkasyndaǵy dıplomatııalyq qyzmetiniń aıaqtalýyna baılanysty Nıderlandy Koroldiginiń Tótenshe jáne ókiletti elshisi Peıter van Leývendi qabyldady.
Keshe Aqordada Memlekettik hatshy Marat Tájın Qazaqstan Respýblıkasyndaǵy dıplomatııalyq qyzmetiniń aıaqtalýyna baılanysty Nıderlandy Koroldiginiń Tótenshe jáne ókiletti elshisi Peıter van Leývendi qabyldady.
Nıderlandy – elimizdiń Eýropadaǵy ǵana emes, búkil álemdegi asa mańyzdy saýda-ekonomıkalyq áriptesteriniń biri. Qazaqstanǵa salynǵan barlyq ınvestısııa kóleminiń 30 paıyzyna jýyǵy Nıderlandynyń úlesine tıedi. Táýelsizdik jyldarynda Qazaqstan ekonomıkasyna Nıderlandy salǵan ınvestısııanyń jalpy kólemi 40 mlrd. dollardan asady.
Nıderlandy Koroldiginiń Tótenshe jáne ókiletti elshisi Peıter van Leýven byltyrǵy jyldyń tamyz aıynda ǵana Elbasy Nursultan Nazarbaevqa Senim gramotasyn tapsyrǵan bolatyn.
Endi dıplomatııalyq qyzmeti aıaqtalyp otyr. «Qyzǵaldaqtar eli» dep tanylǵan Nıderlandy men Qazaqstan arasyndaǵy ekijaqty taýar aınalymy sońǵy jyldarda 7 mlrd. AQSh dollary kóleminde bolyp otyrdy.
Memlekettik hatshy Marat Tájınniń qabyldaýynda taraptar búgingi zamandaǵy álemdik problemalar boıynsha eki eldiń ustanymdarynyń uqsas ekenin jáne ol ózara tıimdi is-qımyl úshin berik negiz qalaıtynyn atap ótti.
Kezdesý barysynda 2014 jylǵy 24-25 naýryzda Nıderlandynyń Gaaga qalasynda ótetin Iаdrolyq qaýipsizdik jónindegi sammıttiń keleshek mejeleri, oǵan Qazaqstannyń qatysýy talqylandy.
M.Tájın Qazaqstan men Gollandııanyń ǵarysh salasy boıynsha yntymaqtastyǵynyń jandana túskenin qýattap, «Bolashaqtyń energııasy» taqyrybynda ótetin EKSPO-2017 halyqaralyq mamandandyrylǵan kórmesin uıymdastyrý men ótkizýge gollandtyq kompanııalardyń belsene atsalysatynyna úmit bildirdi.
Kezdesý qorytyndysynda Marat Tájın Peıter van Leývenge Qazaqstan men Nıderlandy arasyndaǵy ekijaqty qarym-qatynasty damytýǵa qosqan jeke úlesi úshin rızashylyǵyn jetkizdi.
Jaqsybaı SAMRAT,
«Egemen Qazaqstan».