Vedomstvoaralyq komıssııa bıznes nysandarynyń jumysyn jeńildetý boıynsha sheshimder qabyldady. Bul týraly Premer-Mınıstrdiń baspasóz qyzmeti habarlady, dep jazady Egemen.kz.
Búgin QR Premer-Mınıstriniń orynbasary Eraly Toǵjanovtyń tóraǵalyǵymen ótken Vedomstvoaralyq komıssııanyń otyrysynda sanıtarlyq-epıdemıologııalyq ahýaldy turaqtandyrý jáne jumys kúnderi kelýshilerdiń aǵynyn azaıtý maqsatynda demalys kúnderi jumys isteýge ruqsat berý týraly sheshim qabyldandy:
Sulýlyq salondaryna, shashtarazdarǵa, kosmetıkalyq qyzmet kórsetetin obektilerge (infokazakhstan.kz portalynda tirkelý, aldyn ala jazylý boıynsha 1 kelýshige 4 sh. m.);
fıtnes-ortalyqtaryna, sporttyq-saýyqtyrý ortalyqtaryna, trenajer zaldaryna, sport keshenderine, SPA-salondarǵa, saýnalarǵa, basseınderge (infokazakhstan.kz portalynda tirkelý, tolymdylyǵy 30% aspaıtyn, biraq 50 adamnan artyq emes, aldyn ala jazylý, maska rejımin, áleýmettik qashyqtyqty saqtaý);
dinı nysandarǵa (jeke, ujymdyq is-sharalar ótkizbeı). Memlekettik organdarmen, "Atameken" UKP jáne otandyq taýar óndirýshilermen talqylaýdyń qorytyndysy boıynsha bir ret qoldanylatyn medısınalyq maskalardyń shekti bólshek saýdadaǵy baǵasy 80 teńgeden 60 teńgege deıin, ıaǵnı 25%-ǵa tómendetildi. Sondaı-aq úshinshi toqsanda ataýly áleýmettik kómek (AÁK) taǵaıyndalǵandarǵa 2020 jyldyń 4 toqsanynda memlekettik ınstansııalarǵa júginbeı, ony avtomatty túrde uzartý týraly sheshim qabyldandy.
Bul shara memlekettik organdarda adamdardyń jappaı jınalýyn boldyrmaý arqyly azamattardyń koronavırýs ınfeksııasyn juqtyrý qaýpin azaıtýǵa múmkindik beredi.
Keńes qorytyndysy boıynsha Premer-Mınıstrdiń orynbasary basqa da birqatar tapsyrma berdi.