Túgin tartsań, maıy shyǵatyn, jeri qunarly, tabıǵaty tamyljyǵan Shemonaıha aýdanynda bıyl egin bitik shyqty. Aýdan ákimi Amangeldi Toqtarov óńir dıqandarynyń ústimizdegi jyly 139 myń 700 gektarǵa astyq egip, gektarynan 21 sentnerden dán marjanyn jınaǵanyn, kúnbaǵys, qaraqumyq, kendir, raps daqyldaryn qambaǵa quıyp alǵandaryn aıtty.
Aýdannyń aýyl sharýashylyǵy men ekonomıkasy qatar damyǵan, munda birneshe kásiporyndar men kenishter jumys istep tur, jyl basynan 5028,5 tonna et óndirilip, 32778,4 tonna sút satylǵan. Asyl tuqymdy mal basy kóbeıip, 28 myńnan asqan. Aýdan ákimi A.Toqtarovtyń aıtýynsha, qazirgi tańda ındýstrııalandyrý kartasy boıynsha tórt nysan paıdalanýǵa berilipti. Endi solarǵa toqtala keteıik.
Túgin tartsań, maıy shyǵatyn, jeri qunarly, tabıǵaty tamyljyǵan Shemonaıha aýdanynda bıyl egin bitik shyqty. Aýdan ákimi Amangeldi Toqtarov óńir dıqandarynyń ústimizdegi jyly 139 myń 700 gektarǵa astyq egip, gektarynan 21 sentnerden dán marjanyn jınaǵanyn, kúnbaǵys, qaraqumyq, kendir, raps daqyldaryn qambaǵa quıyp alǵandaryn aıtty.
Aýdannyń aýyl sharýashylyǵy men ekonomıkasy qatar damyǵan, munda birneshe kásiporyndar men kenishter jumys istep tur, jyl basynan 5028,5 tonna et óndirilip, 32778,4 tonna sút satylǵan. Asyl tuqymdy mal basy kóbeıip, 28 myńnan asqan. Aýdan ákimi A.Toqtarovtyń aıtýynsha, qazirgi tańda ındýstrııalandyrý kartasy boıynsha tórt nysan paıdalanýǵa berilipti. Endi solarǵa toqtala keteıik.
Aýdandaǵy iri kásipker Sergeı Glýshakov táýligine 45 tonna kúnbaǵys maıyn syǵatyn jańa óndiris ornyn iske qosqan. Aýdan ortalyǵynyń shetinde ornalasqan jańa kásiporyn ishi muntazdaı taza, maıdy syǵatyn, ony tazartatyn, altyn tústes reńge engizetin qondyrǵylar men jabdyqtardyń barlyǵy Reseı men shetelderden ákelingen. Mine, sehta kúnbaǵys maıy taza qumyralarǵa quıylyp jatyr. Qondyrǵyny birneshe jerde úsh-tórt qyz-kelinshek basqaryp tur. Shyr kóbelek aınalǵan, arnaıy jabdyqtalǵan qondyrǵy tynymsyz jumys isteýde. Bir saǵatta birneshe myń qumyraǵa quıylǵan kúnbaǵys maıy daıyn ónimder qoımasyna jóneltiledi eken.
– Bizde shyǵarylatyn kúnbaǵys maıy ábden tazartylǵan, arnaıy sertıfıkatty jeńip alǵan. О́nimder Reseıge, oblys aýdandaryna jóneltiledi. Kórshi Qytaı da tapsyrys berýde. Joba elimizdiń ındýstrııalandyrý kartasyna engen, «Damý» qory arqyly 560 mıllıon teńge nesıe aldyq. Qazir kásiporynda 30 adam eńbek etýde, jalaqylary jaman emes, – dep «Vostokselhozprodýkt» jaýapkershiligi shekteýli seriktestiginiń basshysy S.Glýshakov atqaryp jatqan isteri jaıly aıtyp berdi.
Aýdandaǵy serpindi jobalar tizimine engizilgen taǵy bir joba «Trıýmf-Agro» seriktestiginiń kúnbaǵys maıyn birneshe qaıta tazartý jolymen joǵary sapaly ónim óndiretin zaýyty. Kásiporyn basshysy Nurjan Áshimovtyń aıtýynsha, joba quny 410 mıllıon teńge. Zaýyttyń qýaty táýligine 120 tonna maı syǵýǵa jetedi. N.Áshimov jańa kásiporyn iske qosylǵan eki jylda bıýdjetke mıllıondaǵan teńge qarjy aýdarǵandaryn, ózderiniń zaýytty paıdalanýǵa berýge 260 mıllıon teńge qarjy salǵandaryn tilge tıek etti. Bul kúnderi zaýytta 54 adam jumys isteýde.
«Bıznestiń jol kartasy-2020» baǵdarlamasy boıynsha ústimizdegi jyly júzege asyp jatqan «Un jáne qurama jem tartý» jobasy jaqyn arada óz nátıjesin bere bastamaq. Jańa joba iske qosylǵanda oblystaǵy mal, qus jáne basqa túlik túrleri qajetti qurama jemmen tolyq qamtamasyz etilmek. Qasymyzdaǵy oblystyq aýyl sharýashylyǵy basqarmasynyń bastyǵy Dúısembaı Selıhanov mundaı jobanyń asa tıimdi ekenin, endi alysqa sabylmaı qajetti jemdi Shemonaıhadan alýǵa bolatynyn, kóp shyǵyn shyqpaıtynyn aıtty. Joba quny – 530 mıllıon teńge. Seriktestik saǵatyna 25 tonna, al táýligine 600 tonna qurama jem shyǵara alady. Seriktestik basshysy A.Osmanov mundaǵy qondyrǵylardyń túriktiki ekenin, 30 adamnyń eńbek etetinin, jyl aıaǵynda paıdalanýǵa beretinderin habardar etti.
Shemonaıha aýdanynyń ákimi Amangeldi Toqtarov basqa da birqatar jobalar jaıly aıtyp berdi. «Jıtnısa» JShS nemis tehnologııasyn qoldana otyryp, mıneraldy tyńaıtqyshty jerge tıimdi sińirý arqyly bıyl 208 gektarǵa ekken kartoptan rekordty kórsetkishke qol jetkizipti. Árıne, bul jerde ońtústik óńirden kelgen azamattardyń qajyrly eńbegi jaıly erekshe atap ótken oryndy. Olar ýaqytpen sanaspaı eńbek etti. Kartoptyń ár gektarynan 420 sentnerden ónim alý shynynda da ǵajap. Nurjan Áshimov keler jyly kartop egý kólemin eki esege deıin kóteretinin aıtty.
Aýdanda basqa jobalar da júzege asyp jatyr. Atap aıtqanda, «Remdor» seriktestigi asfalt zaýytyn salyp jatsa, «Kókjal-Beton» JShS qurylys materıaldary men asfalt zaýytyn salyp tastaǵan. Jańa oqý jyly qarsańynda aýdanda jańa qazaq mektebi paıdalanýǵa berilipti. Shemonaıha qalasy kórkeıip, kóshelerge asfalt tóselip, shamdar ornatylyp, jurtshylyq demalatyn oryndar paıdalanýǵa berilgen. «Bul ıgi bastamalardyń barlyǵynda aýdan ákimi A.Toqtarov pen onyń komandasynyń laıyqty úlesi bar», deıdi aýdan turǵyndary.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Shemonaıha aýdany.
Sýrette: kúnbaǵys maıyn syǵatyn jańa zaýytta.
Sýretti túsirgen avtor.