Seriktestikke serpin beretin qujat

Prezıdent Q.Toqaev Jol­daýda kórsetkendeı, postko­ro­na­vırýstyq jáne búgingideı álemdik tártip qalyptastyrý kezeńinde uzaq merizimdi ult josparyn da­ıyndaý, ınstıtýsıonaldy refor­malar júrgizý jahandyq báse­kelestik jaǵdaıynda basymdyqqa ıe bolýdyń mańyzdy talaby sanalady. Osy rette men Memleket basshysynyń memlekettik appa­ratqa qatysty túbegeıli reformasyn, memlekettik qyzmetkerler sanyn qaıta qaraý, sonymen birge shynaıy básekelestikti qam­ta­masyz etetin orta týdyrý, jeke kásipkerliktiń mańyzyn jáne naryqtyń tıimdiligin artty­rýdy kózdeýdi qamtyǵan ekonomı­kanyń 7 negizgi baǵytyn joǵary baǵalaımyn. 

Koreıa Respýblıkasynyń úki­meti Qazaqstan Prezıdentiniń Jol­daýynda kórsetken mindet­terin júzege asyrý jolynda serik­testigin jalǵastyrmaq. Jol­daýda densaýlyq saqtaý, medısı­na ınfraqurylymyn damytý, sonyń ishinde ınfeksııalyq aýrýha­nalar qurylysy men medı­sına qyzmetkerlerin daıar­laýǵa qatysty birqatar tapsyr­ma aıqyndalǵan. Koreıa Respýb­lı­kasy medısına áleýeti men juq­paly aýrýlarmen kúres bo­ıynsha aldyńǵy qatarly elge kiredi. Bul koronavırýspen kúres kezinde aıqyn dáleldendi. Nátıjesinde, pandemııamen kúrestiń koreıalyq tájirıbesi «Koreıanyń COVID-19-ǵa jaýaby» dep atalyp, tanymaldylyqqa ıe boldy. Meniń oıymsha, eki eldiń densaýlyq saqtaý men medısına salasyndaǵy serik­testigi, ásirese Koreıa Res­pýb­lıkasynyń tájirıbesin eskersek, jaqsy nátıje berip, Qazaqstan halqynyń ál-aýqatyna oń áser etedi. 

Qazaqstanda jumys istep jatqan, testileý dıagnos­tı­ka­synyń ozyq tehnologııalaryna ıe «MPK clinic» koreı klınıkasy pandemııamen kúreste sheshýshi ról atqardy. Oǵan qosa byltyr Koreıa Respýblıkasy Prezıdenti Mýn Chje Inniń Qazaqstan Res­pýb­lıkasyna saparynan keıin jasaqtalǵan densaýlyq saqtaý salasyndaǵy qazaqstan-koreı jumys tobynyń kómegimen medısına salasyndaǵy áriptestikti bekitý boıynsha máseleler talqylanýda. Koronavırýstyń taralýyn toqtatý boıynsha da Koreıa tájirıbesin bólisý jobasy iske asyrylýda. Qazaqstanda aýrýhanalardyń qurylysyna koreı kompanııalaryn qatystyrý múm­kindigi qarastyrylyp jatyr. Koreıa Respýblıkasy úki­meti men koreıalyq kompanııalar Qa­zaqstanǵa gýmanıtarlyq kóme­gin jalǵastyrýda. Bıyl alǵash­qy alty aıda Qazaqstanda jumys istep jatqan koreıalyq kom­panııalar 400 myń AQSh dollary kóleminde gýmanıtarlyq kómek kórsetti. Al Koreıa Respýb­lıkasynyń Úkimeti tarapynan 800 myń AQSh dollary kóleminde gýmanıtarlyq kómek kórsetý sheshimi qabyldandy. Ol jaqyn arada Qazaqstanǵa jetkiziledi. 

Prezıdent Q.Toqaev óz Jol­daý­ynda ekonomıkanyń ósimi «ja­syl» ekonomıkaǵa negizdelýi kerektigin alǵa tartty. Qazaq­stannyń ekonomıka paradıgmasy jahandyq tendensııaǵa bet burǵany baıqalady. Al oǵan koronavırýs pandemııasy saldarynan paıda bolǵan ekonomıkalyq daǵdarysty eńserýge jumsalǵan resýrstardy paıdalaný arqyly  qol jetkizbek. Koreıa úkimeti de jaqynda eldiń damýy boıynsha «Jańa koreıalyq kelisim» baǵytyn jarııalady. Onda jańa sıfrly jáne jasyl baǵytty damytý qarastyrylǵan. Sondyqtan Qazaqstanmen jańa «jasyl» baǵytty damytý sheńberindegi serik­testik múmkindiginiń bola­shaǵy zor. Ekologııalyq taza teh­no­logııalar men jańa tehnolo­gııalyq damý salasyndaǵy árip­tes­tik ekijaqty qarym-qatynas­tyń áleýetin odan ári keńeıte túsedi dep kútilýde. Al byltyr ekijaqty saýda aınalymy re­kord­tyq kólemge jetken edi. 

Qazirgi tańda eki eldiń úki­meti Qazaqstan Prezıdenti Qasym-Jomart Toqaevtyń Ko­reıaǵa memlekettik saparyn uıym­dastyrý maqsatynda keńester júrgizip jatyr. Sapardyń ýaqyty eki elde COVID-19 jaǵdaıynyń turaqtanýyna baılanysty belgili bolady. Q.Toqaevtyń Seýlge sapary belgilengen jaǵdaıda bul sapar COVID-19  pandemııasy­nan keıingi dıplomatııalyq qa­rym-qatynastyń odan ári damýyna serpin bolmaq. Men Prezıdent Q.Toqaevtyń Seýlge sapary Qazaqstan men Ko­reıa Respýblıkalarynyń stra­tegııalyq áriptestiginiń kúsheıe túsýine sebepshi myqty ımpýls bolatynyna senemin. 

Ký HONG-SOK,

Koreıa Respýblıkasynyń Qazaqstandaǵy Tótenshe jáne ókiletti elshisi