Tabysy eń kóp fýtbolshylar

Bul tizimniń kóshin kata­lonııalyq «Barselona» ko­man­dasynyń shabýylshysy Lıonel Messı bastap tur. Argen­tınalyq shabýylshy bir jyldyń ishinde 126 mıllıon dollar tabys tapqan. Onyń 92 mıllıonyn Messı jalaqy retinde alsa, qalǵan 36 mıllıon dollar tabys jarnamadan túsken. Basylymnyń málimeti boıynsha, shabýylshynyń eń iri demeýshisi Adidas kom­panııa­sy eken. Bul kompanııa oǵan jylyna shamamen 20 mıllıon dollardaı paıda túsirip turady.

Reıtıngtiń ekinshi satysynda týrındik «Iýventýs» koman­dasynyń oıynshysy Krısh­tıaný Ronaldý tur. Por­týgalııa quramasy shabýyl­shysynyń jyldyq tabysy – 117 mıllıon dollar. Ol ıta­lııalyq komandadan 70 mıl­lıon dollar jalaqy alsa, 47 mıllıon dollar jarnamadan kelgen. Ronaldýdyń eń iri demeýshisi – Nike kompanııa­sy. Amerıkalyq kompanııa jar­nama úshin shabýylshyǵa 20 mıllıon beredi. 10 mıllıon­dy ol áleýmettik jeli ar­qy­ly tapqan. Jalpy bul fýt­bolshynyń barlyq áleý­met­tik jelilerindegi oqyr­man­dar sany 457 mıllıon adam. Jýyrda ǵana ulttyq qura­masy sapynda 100-shi golyn soqqan shabýylshy qalǵan ta­bysty túrli demeýshilerden alǵan.

Úzdik úshtikti fransııalyq «Parı Sen-Jermen» komanda­synyń shabýylshysy Neımar túıindep tur. Brazılııalyqtyń tabysy – 96 mıllıon dollar. 28 jastaǵy bul oıynshyǵa parıjdik komanda 70 mıllıon dollar jalaqy tóleıdi. Qalǵan tabys – jarnamadan. Ol jýyrda Nike kompanııasymen kelisimshartyn buzyp, Puma kompanııasymen shartnama jasaǵan. Bul kelisimshart bo­ıynsha Neımar kompanııa­dan 15 mıllıon dollar alady. Qalǵanyn fýtbolshy áleý­mettik jeli jáne de basqa de­meýshilerinen alyp otyr.

Tizimniń tórtinshi satysyna bul kúnderi álemniń eń qym­bat fýtbolshysy sanalyp júrgen Kılıan Mbappe jaı­ǵasypty. О́tken maýsymda 18 gol soǵyp, Fransııa birin­shiliginiń úzdik surmergeni atan­ǵan shabýylshynyń jala­qysy 28 mıllıon dollar. Bul komandanyń basqa fýtbolshylarymen salystyrǵanda az jalaqy. Sol úshin de Mbappe maýsym sońynda jalaqysyn kótermese, ketemin dep otyr. Jýyr­da ǵana koronavırýs­pen aýyryp, emdelip shyqqan shabýyl­shynyń jarnamadan túsetin tabysy 14 mıllıon dollar kórinedi.

Besinshi oryn Mohammed Salahqa buıyrypty. My­syr quramasy men aǵyl­shyn­­dyq «Lıverpýl» shabýyl­shysynyń tabysy – 37 mıllıon dollar. Salahtyń bir jyl­dyq jalaqysy – 24 mıllıon. Jar­namadan túsetin tabysy – 13 mıllıon. Ol Mysyr elin­de tanymal tulǵalardyń biri bol­ǵandyqtan, jarnamadan tú­setin tabystyń kóbin óz elinen alady.

Sondaı-aq tizimniń úzdik ondyǵy­nyń qatarynda Pol Pog­ba («Manchester Iýnaı­ted», 34 mıllıon. 28+3), An­týan Grızmann («Barselona», 33 mıllıon. 28+5), Garet Beıl («Real», 29 mıllıon. 23+6), Robert Levandovskı («Ba­varııa», 28 mıllıon. 24+4), Da­vıd de Hea («Manchester Iýnaı­ted», 27 mıllıon. 24+3) sekildi fýtbolshylar bar.