Bıylǵy jylǵy qazan aıynda YouTub jelisinde «ondaǵan qazaqstandyq jıhadshylardyń Sırııaǵa baryp jetkeni» týraly beınejeli jarııalanǵannan keıin «Azattyq» radıostansasynyń qyzmetkerleri onda kórsetilgen birneshe jigittiń týǵan-týystarymen habarlasyp, olardyń kimder ekenin anyqtaǵan. Bul týraly «Azattyq» radıostansasy habarlady.
Stansa tilshisi sonda «Sırııaǵa attanǵandar» arasynda jezqazǵandyq aǵaıyndy Erkebulan, Erkemurat jáne Jasulan Sársenbekterdiń, erli-zaıypty Kenjebek jáne Nurgúl Ahmadıevterdiń, Almaty jáne Shyǵys Qazaqstan oblystarynan shyqqan bir top eriktilerdiń bolýlary múmkin ekendikterin anyqtapty.
Jezqazǵanda bolyp qaıtqan jýrnalıst Sırııaǵa ketkenderdiń biriniń anasy aýyldaǵy moldaǵa jıi baryp, odan duǵa oqýdy ótinip turatynyna kóz jetkizip qaıtqan. Sóıtse, onyń úlken ulynyń Sırııa jerinde qaza tapqany týraly aýyz-eki habar jetken eken. Al otbasysy Jezqazǵanda qalǵan. Qazasy týraly qaraly habar jetken úlken ul joǵary oqý ornyn bitirgennen keıin Egıpette bilim alýdy jalǵastyrypty. Radıo tilshisi Jezqazǵandaǵy meshitterdiń birinde ótken juma namazy kezinde qala turǵyny Aıtjan О́teshovten Sırııaǵa attanǵan úsh aǵaıyndy jigittiń aty-jónderin bilip alǵan. О́ziniń dástúrli ıslam dinin, ıaǵnı hanafı mazhabyn ustanatynyn bildirgen jezqazǵandyq jas jigit olardyń joǵaryda aıtylǵan úsh jigit ekenin de aıtyp beripti. 1994 jyly týǵan ol sol úsheýdiń kishisi – Jasulanmen dos ta eken.
«Biz meshitke kelip, namaz oqyp, sonda túnep qaldyq. Kelesi kúni erteńine Jasulan Qaraǵandyǵa ketti. Birqatar ýaqyttan keıin men «Agent» arqyly habarlasqanymda ol óziniń Egıpette júrgenin aıtty. Qazir onyń «Sırııaǵa attanǵan jıhadshylar qataryndaǵy» beınejelidegi keskinine qarap otyrmyz», - dedi ol.
«Azattyq» tilshisine budan keıin Qazaqstannyń basqa qalalarynan soǵysqa attanǵandar týraly da maǵlumat jınaýdyń reti keledi. Olardyń deni onda áıelderi men balalaryn alyp attanypty.
Sáken Maılybaı.