Almaty polısııasy 24 jyl buryn Belarýs elinde kisi óltirgen adamdy ustady, dep habarlaıdy Egemen.kz.
"Jedel-izdestirý is-sharalaryn júrgizý kezinde Almaty polısııasy asa qatygezdikpen kisi óltirdi degen kúdikpen 67 jastaǵy er adamdy ustady. Ol sońǵy jyldary Almaty mańynda jasyrynyp júrgen. Belarýs polısııasynyń habarlaýynsha, ol 1996 jyldan bastap adam óltirdi degen kúdikpen izdeýde boldy. Belarýs Respýblıkasy Qylmystyq kodeksiniń 100-baby, 2-bóligi boıynsha qylmystyq is boıynsha qylmystyq jaýapkershilikke tartylady. Kúdikti óz elinde buzaqylyq úshin jáne adam densaýlyǵyna aýyr zııan keltirgeni úshin eki ret sottalǵan. Qazirgi ýaqytta ol Almaty qalalyq PD ýaqytsha ustaý ızolıatoryna qamaldy. Kóp uzamaı Belarýs Respýblıkasynyń Mınsk qalasyna ekstradısııalanyp, jergilikti sot aldynda jaýap beredi", dedi Almaty qalalyq PD krımınaldyq Polısııa basqarmasynyń bastyǵy Erkin Ińkárov.