Keshe Qasym-Jomart Toqaevtyń tóraǵalyq etýimen Parlament Senaty bıýrosynyń otyrysy boldy, dep habarlady osy palatanyń baspasóz qyzmeti.
Keshe Qasym-Jomart Toqaevtyń tóraǵalyq etýimen Parlament Senaty bıýrosynyń otyrysy boldy, dep habarlady osy palatanyń baspasóz qyzmeti.
Bıýroda Konstıtýsııalyq zańnama, sot júıesi jáne quqyq qorǵaý organdary komıtetine Qazaqstannyń Túrik Respýblıkasymen sottalǵan adamdardy berý týraly kelisimdi jáne Qytaı Halyq Respýblıkasymen sottalǵan adamdardy berý týraly shartty, sondaı-aq, Qazaqstan men Chehııa arasyndaǵy qylmystyq ister boıynsha ózara quqyqtyq kómek týraly shartty ratıfıkasııalaý týraly zań jobalary berildi.
Bıýro músheleri, odan basqa, bıylǵy 7 qarashada bolatyn palata otyrysynyń kún tártibin talqylady. Otyrysta halyqaralyq qujattardy ratıfıkasııalaý týraly birqatar zań jobalaryn qaraý josparlanyp otyr. Olar – Túrik Respýblıkasymen sottalǵan adamdardy berý týraly kelisim, Qytaı Halyq Respýblıkasymen sottalǵan adamdardy berý týraly shart jáne Qazaqstan men Chehııa arasyndaǵy qylmystyq ister boıynsha ózara quqyqtyq kómek týraly shart. Sondaı-aq, senatorlar elimizdiń keıbir zańnamalyq aktilerine eńbek kóshi-qon máseleleri boıynsha ózgerister men tolyqtyrýlar engizý týraly zań jobasyn ekinshi oqylymda qaraıtyn bolady.