Túrkistan oblysy PD Krımınaldyq polısııa qyzmetkerleri “Izdestirý” jedel-profılaktıkalyq is-sharasy aıasynda izdestirilip jatqan 16 qylmyskerdi ustady, olardyń segizi halyqaralyq izdeýde boldy jáne buryn habar-osharsyz ketken segiz adamnyń meken-jaıyn anyqtady, dep habarlaıdy Egemen.kz
Is-sharanyń negizgi maqsaty tergeý organdary men sottan jasyrynyp júrgen qylmystyq quqyq buzýshylyqtar jasaǵany úshin izdestirilip jatqan adamdardy izdestirý jáne ustaý, habar-osharsyz ketken adamdardyń ornalasqan jerin anyqtaý, sondaı-aq tanylmaǵan máıitterdiń jeke basyn sáıkestendirý jónindegi is-sharalardy júrgizý.
Máselen, “Izdestirý” jedel-profılaktıkalyq sharasy barysynda Tólebı APB krımınaldyq polısııa qyzmetkerleri aýdan aýmaǵynda 2016 jyldan beri esirtki zattaryn tasymaldaǵany úshin halyqaralyq izdeýde júrgen Tájikstan Respýblıkasynyń azamatyn ustady.
Qylmysker polısııa bólimine jetkizilip, qamaýǵa alyndy. Qazirgi ýaqytta tártip saqshylary istiń tolyq mán-jaıyn anyqtaýda. Taǵy bir izdestirilip jatqan qylmyskerdi Saryaǵash aýdandyq polısııa bóliminiń polıseıleri ustady. Ol О́zbekstan Respýblıkasynyń Ishki ister organdary 2010 jyldan beri kontrabanda úshin izdestirip kelgen Qazaqstan azamaty.
Sol kúni Túlkibas APB-niń polısııa qyzmetkerleri 2012 jyldan bastap Reseı Ishki ister mınıstrliginiń Zabaıkal okrýgi boıynsha basqarmasy esirtki zattaryn zańsyz saqtaǵany jáne tasymaldaǵany úshin izdestirilip jatqan Qazaqstannyń basqa azamatyn ustady.
Atap óter jaıt Túrkistan oblysy PD polıseıleri krımınaldyq polısııanyń sot tóreligi organdarynan jasyrynǵan jáne habar-osharsyz ketken adamdardy izdestirý jónindegi jumysy turaqty negizde júrgiziledi jáne aldaǵy ýaqytta da jalǵasatyn bolady.