Shyǵys Qazaqstan oblysy Kúrshim aýdanynda iri órt shyqty. О́ńirdegi qurǵaq ári jeldi aýa raıy shóptiń órtenýin jıiletýde. Kóp jaǵdaıda buǵan sebep – turǵyndardyń otpen abaısyz áreket etýi, dep habarlaıdy Egemen.kz.
Zaısan, Jarma, Úrjar jáne Kúrshim aýdandaryndaǵy jergilikti bılik qyzyl jalynnyń ary qaraı taralýyna jol bermes úshin órt sóndirýshilerdiń kómegine júgingen.
"Eń iri órt Kúrshim aýdany Boran aýyldyq okrýginde tirkeldi. Kúshti jeldiń saldarynan tilsiz jaý tez arada sol mańaıǵa jaıylyp ketken. Otty aýyzdyqtaýǵa 20 órt sóndirýshi, 60 jergilikti turǵyn, 12 orman sharýashylyǵy mekemesiniń qyzmetkeri, 4 jergilikti atqarýshy organ ókili jáne 6 avtosısterna jumyldyrylǵan", dep habarlady ShQO TJD baspasóz qyzmeti.
Tek búgin tańǵa qaraı 100 gektar dala men 364 tonna shópti sharpyǵan órt óshirildi. Jalyn jaqyn mańdaǵy eldi mekenderge jetip úlgergen joq.
Aıta keteıik, ótken aptada ǵana oblysta 17 dala órti oryn alǵan bolatyn. Sonyń saldarynan 365 gektar dala órtengen.