Mádenıet jáne aqparat mınıstrliginiń til komıteti «Mektep baǵdarlamasyna engen jáne qazaq tiline aýdarylǵan álem ádebıeti klassıkasynyń aýdıo-hrestomatııasy» jobasyn tanystyrady. Bul týraly BNews.kz tilshisi habarlady.
Basty maqsat aqparattyq keńistikte memlekettik tildiń qoldanylý aıasyn keńeıtý, turǵyndarǵa qazaq jáne álem ádebıeti avtorlarynyń shyǵarmalaryna qoljetimdiligin keńinen nasıhattaý, sondaı-aq BAQ-tar arqyly oqyrmandarǵa aýdıo-hrestomatııanyń jaryqqa shyǵýyn keńinen jarııa etý bolyp otyr.
Joba oqyrmandardyń til baılyǵyn jetildirý, qazaq halqynyń ádebı murasyn júıeli túrde túsindirý jáne álem ádebıetiniń úzdik nusqalarymen tanystyrý, keıingi tolqyn jastardy patrıotızmge, kórkemdilikke, iskerlik sapa, adamı qundylyqqa jáne izgilikke tárbıeleýdi aldyna mindet etip alady. Sonymen qatar, ǵalamtor qaınarkózderi jastarǵa ásirese oqýshylarǵa kórkem shyǵarmalardyń aýdıo nusqasyn óz betimen zerdeleýine úıretedi.
«Aýdıo-hrestomatııa mektepke deıingi balalarǵa, qazaq tili men ádebıet muǵalimderine jáne kópshilikke arnalǵan. Joba Til komıtetiniń til.gov.kz saıtyna ornalastyrylady»,-delingen baspasóz habarlamasynda.
Murat Aıtqoja.