Birqatar óńirler elimizdiń Údemeli ındýstrııalyq-ınnovasııalyq damý memlekettik baǵdarlamasy men Indýstrııalandyrý kartasy boıynsha jumystardy álsiretip jiberdi. Bul týraly Úkimet otyrysynda Indýstrııa jáne jańa tehnologııalar mınıstri Áset Isekeshev málimdedi.
Mınıstrdiń atap ótýinshe, atalǵan baǵyttaǵy jumystar Mańǵystaý, Soltústik Qazaqstan, Aqmola, Atyraý oblystarynda nashar, al Qaraǵandy men Ońtústik Qazaqstan oblystarynda birqatar problemaly jobalar bar.
«Serik Nyǵmetuly osyǵan baılanysty men Aqmola, Atyraý, Solústik Qazaqstan, Qaraǵandy oblystary ákimderdiń baǵdarlamaǵa jetekshilik etetin orynbasarlaryna, sonymen qatar О́nerkásip jáne kásipkerlik basqarmalarynyń bastyqtaryna tártiptik jaza sharasyn qabyldaýdy tapsyrdym», - dedi ol.
Sondaı-aq Á.Isekeshevtiń sózine qaraǵanda, «Qazavıaspektr» jobasy boıynsha «QazAgro» tóraǵasynyń orynbasary Matajanov, Balqash SES-in júzege asyrý boıynsha «Samuryq-Energo» vıse-prezıdenti Ospanov sógis alatyn bolady.
Sáken Maılybaı.