AQSh-ta barlyq shtattar men qalalardyń merlerin saılaý bolyp ótti. Eldiń eń alyp shahary – Nıý-Iorkti 1989 jyldan beri alǵash ret demokrat basqaratyn boldy. Iаǵnı, atalǵan qala úshin saılaýda 52 jastaǵy advokat Bıll de-Blazıo jeńiske jetti.
AQSh-ta barlyq shtattar men qalalardyń merlerin saılaý bolyp ótti. Eldiń eń alyp shahary – Nıý-Iorkti 1989 jyldan beri alǵash ret demokrat basqaratyn boldy. Iаǵnı, atalǵan qala úshin saılaýda 52 jastaǵy advokat Bıll de-Blazıo jeńiske jetti.
2001 jyldan beri Nıý-Iorkti ashsa alaqanynda, jumsa judyryǵynda ustap kelgen Maıkl Blýmberg úsh ret qatarynan qalabasy bolyp saılanǵandyqtan, zań boıynsha tórtinshi márte saılaýǵa qatysa alǵan joq. Al Detroıt meri bolyp 55 jastaǵy Maıkl Daggan saılandy. Ol saılaýshylar daýysynyń 55 paıyzyn alǵan. Bul qalany erekshe aıtyp otyrǵan sebebimiz, onyń turǵyndarynyń 82 paıyzyn afroamerıkalyqtar quraıdy. Sondyqtan 1973 jyldan beri alǵash ret qalaǵa aq násildi adam basshylyq jasaıtyn boldy.
Rahmon óz jeńisine senimdi
Tájikstan prezıdenti Emomalı Rahmon el prezıdentin saılaýǵa qatysyp, óz daýysyn berdi. Onyń qorytyndysy boıynsha, E.Rahmon jańa merzimge qaıta saılanbaq nıetinde. Ol el astanasy – Dýshanbe qalasyndaǵy saılaý ýchaskeleriniń birinde daýys bergen.
Tájikstandaǵy prezıdenttik saılaý keshe jergilikti ýaqyt boıynsha tańǵy 6.00-de bastalyp, keshki 20.00-ge deıin jalǵasty. Búkil el boıynsha 3 myńnan astam saılaý ýchaskeleri ashyldy. 60 ýchaske elden tysqary júrgen tájik azamattary daýys berý úshin shetelderde jasaqtaldy. Al saılaýǵa prezıdenttikten úmitkerler retinde taǵy bes kandıdat qatysty. Olar: Agrarlyq partııanyń ókili, akademık Tolıbbek Býhorıev, Ekonomıkalyq reformalar partııasynyń serkesi Olımdjon Boboev, Kommýnıstik partııa serkesiniń orynbasary Ismoıl Talbakov, Sosıalıstik partııa serkesi Abdýhalım Gafforov jáne Demokratııalyq partııanyń serkesi Saıddjafar Ismonov.
Karımovanyń prezıdent bolǵysy joq
О́zbekstan prezıdenti Islam Karımovtiń úlken qyzy Gúlnar Karımova prezıdenttik ambısııadan bas tartyp otyr. Ol bul týraly óziniń tvıtterinde jazdy. Onyń atap ótýinshe, ol ózin saıasatker sanamaıdy jáne О́zbekstandy áıel basqarý kerek, óıtkeni, áıel erkekten aqyldyraq degen ustanymmen de kelispeıtinin bildirdi.
«Bul ne sandyraq?! Eshkim eshqashan prezıdenttik týraly talqylaǵan emes jáne talqylap ta jatqan joq. Bul qýatty da jigerli jáne halyq tańdaǵan er adamnyń sharýasy», deıdi respýblıka basshysynyń qyzy. Jalpysynda, Gúlnar Karımova búginde 75-tegi el prezıdenti Islam Karımovtiń yqtımal izbasary retinde qarastyrylyp kelgen edi. Biraq, sońǵy kezderi, keıbir BAQ-tardyń aqparattaryna qaraǵanda, ol kópshilikke jekkórinishti kúıge ushyraǵan sekildi. Tipti, ony ákesi sabap salǵan degen de áńgime bar.
Qytaıda taǵy da jarylys
Qytaıdyń Shansı provınsııasyndaǵy Taııýan kommýnıstik partııasy qalalyq komıtetiniń ǵımaraty aldynda birneshe jarylys jasaldy. Oqıǵa saldarynan bir adam qaza tapsa, segizi jaralanǵan. Muny «Sınhýa» agenttigi habarlady.
Jarylys keshe shamamen tańerteńgi saǵat 7.40-ta jasalǵan. Jarylys, keıbir derekterge qaraǵanda, jeteýden kem bolmaǵan. Oqıǵaǵa kýágerlerdiń biri «Sınhýa» agenttigine Insze kóshesinde mıkroavtobýs jarylǵanyn málimdegen. Al Qytaı televızııasynyń habarlaýyna qaraǵanda, bombalar gúl klýmbalaryna jasyrylypty. Osy oqıǵadan sál buryn, dálirek aıtqanda, 28 qazan kúni el astanasy – Pekın qalasynyń ortalyǵynda qoldan jasalǵan jol-kólik oqıǵasy oryn alyp, bes adam kóz jumǵany belgili.
Keńes basqynshylyǵynyń quny qansha?
Latvııa mınıstrler kabıneti keshe elge keńestik basqynshylyqtan kelgen zalal kólemin anyqtaıtyn komıssııa jumysyn qaıta jandandyrdy. Bul iske áýelde ádilet mınıstrligi bastamashylyq tanytsa, komıssııany qarjylandyrý Seımde (parlament) maquldanǵan bolatyn.
Komıssııa quramynda prokýratýranyń, áskerı murajaıdyń, Baltııa men Soltústik zertteý ortalyǵynyń, Basqynshylyq murajaıynyń, Basqynshylyqty zertteý qoǵamynyń, Latvııa ýnıversıtetiniń, sondaı-aq, birqatar mınıstrlikterdiń –ekonomıka, qorǵanys, syrtqy ister jáne óńirlik damý mınıstrlikteriniń ókilderi bar. Latvııa ádilet mınıstri Iаnıs Bordanstyń pikirinshe, keńestik basqynshylyqqa Keńes Odaǵy kináli bolsa, onyń murageri Reseı de sondaı deńgeıde jaýapty. Osy rette Latvııa Reseıden ótemaqy alýǵa úmitti sekildi.
Bapker 18 kg. geroınmen ustaldy
Máskeýde Esirtki aınalymyn baqylaý jónindegi federaldy qyzmet ókilderi dzıýdo jattyqtyrýshysyn 18 kılogramm geroınmen ustaǵan. Bul týraly keshe «Interfaks» agenttigi habarlady.
28 jastaǵy Tájikstan azamaty «Shelkovo» sport kesheninde dzıýdo kúresi boıynsha jattyqtyrýshy bolyp isteıdi eken. Jaqynda ol turǵyn úıdiń bir bóligin satyp alsa, quqyq qorǵaý organdarynyń derekteri boıynsha, esirtki saqtaıtyn oryn retinde paıdalanyp kelgen. Úıdi tekserý barysynda 2 kılogramm geroın tabylsa, taǵy 2,7 kılogramy jattyqtyrýshynyń jaldaıtyn páterinen shyqqan. Qalǵan 13 kılogramm geroın ustalǵannyń garajynan alynǵan. Endi bapker ómir boıy túrmege otyrý jazasyna kesilýi múmkin.
Belarýs oppozısıoneri tutqyndaldy
Polshanyń Shıtno qalasynda belarýstik oppozısıoner Sergeı Ponomarev qamaýǵa alynǵan. Bul týraly «Belsat» telearnasy habarlady. Oppozısıoner eki saıajaı úıin órtedi dep aıyptalyp otyrǵan kórinedi.
Kúdikti atalǵan is boıynsha qyrkúıek aıynda-aq tutqyndalsa, áńgime S.Ponomarev týraly bolyp otyrǵany keıin anyqtalǵan. Polısııa kúdiktini oqıǵa ornynda ustasa kerek. Al ol óziniń áreketin órtengen úı ıeleriniń biri qaryzyn bermeı júrgendigimen túsindirýge tyrysypty. Al prokýratýra ókiliniń sózine qaraǵanda, S.Ponomarev óziniń kinásin tolyq moınyna alǵan. Keıin belgili bolǵanyndaı, órtengen úıler ıesiniń biri Belarýs azamaty eken. Endi oppozısıoner on jylǵa deıin bas bostandyǵynan aıyrylýy múmkin.
Internet materıaldary negizinde ázirlendi.