Qazaq prozasynyń qorjyny taǵy bir sý jańa kitappen tolyqty. Jas jazýshy Esbolat Aıdabosynnyń «Tıbet arýy» atty áńgimeler men hıkaıattar jınaǵy jaryq kórdi.
«Tıbet arýy» dep atalatyn bul kitapqa avtordyń tańdaýly shyǵarmalary toptastyrylǵan. Jıyrma shaqty týyndynyń taqyryby san alýan. Oqyrman aýyl balasymen birge asyq oınap, atqa shaýyp, ańshy-saıatshylarmen salbýrynǵa shyǵady. Sonymen qatar almaǵaıyp zamanda arǵy betke ótip ketken qazaqtardyń jaı-kúıi men búgingi urpaǵynyń jan kúızelisin sezinedi. Jetisý kúı mektebiniń qos alyby Baıserke men Qojekeniń qıly taǵdyrymen de tanysady.
«Almaty-Bolashaq» baspasynan 3000 danamen taralǵan kitap memlekettik baǵdarlama aıasynda jaryqqa shyǵyp otyr. Jıyrma baspa tabaqtan turatyn jınaqqa avtordyń buryn jarııalanbaǵan jańa áńgimeleri de engen.