Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov TMD baıqaýshylary mıssııasynyń quramynda 2013 jylǵy 6 qarashadaǵy Tájikstan Respýblıkasy prezıdenti saılaýynyń barysyn baıqaýdy júzege asyrdy.
Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov TMD baıqaýshylary mıssııasynyń quramynda 2013 jylǵy 6 qarashadaǵy Tájikstan Respýblıkasy prezıdenti saılaýynyń barysyn baıqaýdy júzege asyrdy.
5 qarashada Qazaqstannyń Ortsaılaýkomy basshysy Tájikstan Respýblıkasynyń Saılaý jáne referendýmdar jónindegi ortalyq komıssııasynyń tóraǵasy Sh. Shohııonmen kezdesti.
Atalǵan kezdesý sheńberinde Tájikstan Respýblıkasy saılaý júıesiniń ártúrli qyrlary, sondaı-aq, el prezıdentin saılaý boıynsha saılaý naýqanynyń barysy talqylandy.
Keshe Q.Turǵanqulov Dýshanbe qalasyndaǵy birqatar saılaý ýchaskelerine baryp, daýys berý jáne daýystardy sanaý rásimderin uıymdastyrý erekshelikterimen, ýchaskelik saılaý komıssııalarynyń jumysymen, saılaý úderisiniń aıqyndyǵyn jáne onyń ulttyq saılaý zańnamasy normalaryna sáıkes kelýin qamtamasyz etý úshin olardyń qoldanatyn sharalarymen tanysty.
Tájikstan Respýblıkasy prezıdentiniń saılaýyn baıqaýdy Qazaqstan Respýblıkasynyń 23 ókili júzege asyrdy, olardyń 19-y TMD-dan baıqaýshylar mıssııasynyń quramyna, 2-eýi ShYU-dan mıssııa quramyna jáne 2-eýi TMD Parlamentaralyq Assambleıasynan baıqaýshylar mıssııasynyń quramyna kirgen edi.
«Egemen-aqparat».