Bizdiń elde mundaı da ádiletsizdikke jol beriledi dep oılamaıtyn edim. Alaıda, osy bir jaǵdaı óz basymnan ótken soń eshnársege de tań qalýdyń reti joq ekenin túsindim. Sebebi, Qorǵanys mınıstrliginiń 19132-áskerı bóliminde esepshi bolyp jumys istep júrgen meni aıaq astynan jumystan qýyp shyqty. Iá, solaı, kádimgi aldy-artyma qaratpaı, tekseris jasamaı menen kassany tartyp alyp, «Eńbek kodeksiniń 54-baby, 1-tarmaǵynyń 10-tarmaqshasy boıynsha jumystan bossyń», dedi. Sóıtip, ekeýi kámelet jasyna da jetpegen, al eń kishisi 3 jasqa tolmaǵan úsh balammen jumyssyz dalada qaldym. Basshylyq mundaı qatygezdikke baratyndaı men ne istep qoıdy deısiz ǵoı.
Bizdiń elde mundaı da ádiletsizdikke jol beriledi dep oılamaıtyn edim. Alaıda, osy bir jaǵdaı óz basymnan ótken soń eshnársege de tań qalýdyń reti joq ekenin túsindim. Sebebi, Qorǵanys mınıstrliginiń 19132-áskerı bóliminde esepshi bolyp jumys istep júrgen meni aıaq astynan jumystan qýyp shyqty. Iá, solaı, kádimgi aldy-artyma qaratpaı, tekseris jasamaı menen kassany tartyp alyp, «Eńbek kodeksiniń 54-baby, 1-tarmaǵynyń 10-tarmaqshasy boıynsha jumystan bossyń», dedi. Sóıtip, ekeýi kámelet jasyna da jetpegen, al eń kishisi 3 jasqa tolmaǵan úsh balammen jumyssyz dalada qaldym. Basshylyq mundaı qatygezdikke baratyndaı men ne istep qoıdy deısiz ǵoı.
Men jumystaǵy keıbir qyzmetkerlerdiń orynsyz áreketi týraly Qorǵanys mınıstriniń blogyna hat jazǵam. Sóıtsem, bulaı isteýge bolmaıdy eken, basshylyq meniń sońymnan jaryq kúnde sham alyp tústi. Aqyry bólim komandıri qolyndaǵy bılikti paıdalanyp, dalaǵa laqtyryp tastady. Al atalǵan zań boıynsha 3 jasqa tolmaǵan balasy bar anany jumystan eshkim de bosatýǵa tıis emes edi. Tipti, maǵan basqa jumys usynýǵa da tıis edi, ol da bolǵan joq. Al, eń bastysy, meni jumystan bosatý týraly 54-baptyń 1-tarmaǵynyń 10-tarmaqshasy tekserý men dáleldi qajet etedi. Mundaı bappen bosatqany týraly tek qolyma Eńbek kitapshasy tıgende bir-aq bildim. Endi muny qalaı túsinýge bolady? Bizdiń elde mundaı jaǵdaıdyń aq, qarasyn anyqtap, ádildikti qalpyna keltire alar mekeme, sóıtip, buzylǵan adam quqy oryndalar kún bar ma eken?
Ardaq BEKMAǴANBETOVA,
19132-áskerı bólimniń burynǵy qyzmetshisi.