Fılıppın prezıdenti Benıgno Akıno el aýmaǵynda oryn alǵan «Haııan» taıfýny saldarynan qaza bolǵan adam sanyn aldyn ala boljaýdyń ózi qıyn ekenin aıtady. Bul týraly RIA «Novostı» habarlady.
Jergilikti bıliktiń málimdeýinshe, alapat taıfýnnyń saldarynan elde 10 myńnan asa adam qaza bolǵan. Bir ǵana Samar aralynda 300-ge jýyq adam qaza taýyp, 2 myńnan astamy iz-tússiz joǵalǵan.
«Qolymyzdaǵy derekter tolyq bolmaǵandyqtan, qandaı da bir esep berý ázirge óte qıyn», – dedi Fılıppın prezıdenti Manıla qalasynda ótken tabıǵı apattyń saldaryn joıý jónindegi jınalystan keıin.
«Haııan» taıfýny Fılıppınniń ortalyq bóligimen shyǵystan batysqa qaraı jalǵasyp, shamamen 600 shaqyrym jerdi jaıpap ótti.
Aıdar О́risbaev.