Burnaǵy kúni, 8 qarashada Almaty metropolıtenindegi «Saıran» jáne «Máskeý» stansalary arasyndaǵy jer asty joldary túıisýiniń basty qadamy jasaldy. Bul týraly «Vechernıı Almaty» gazeti habarlady.
Eki jańa stansanyń bir-birimen túıisýleri baǵytyndaǵy birinshi qadam Abaı dańǵyly men Brýsılovskıı jáne Tilendıev kósheleriniń qıylysar tusyndaǵy 11 metrlik tereńdikte jasaldy. Osyǵan arnalǵan saltanatty sátte mamandar oń jaq tonnel jolyn №122 ventılıasııalyq keshenge jalǵady.
«Bizdiń bárimiz úshin mańyzdy bolyp otyrǵan bul oqıǵamen metropolıten qyzmetkerlerin ǵana emes, barsha almatylyq turǵyndardy quttyqtaımyn, - dedi qala ákiminiń orynbasary Bolat Saýranbaev. – Búgin biz oń jaq kanalmen júrip óttik, «Máskeý» stansasyna deıin 170 metr qashyqtyq qana qaldy. Al sol kanalmen taǵy 750 metr ilgeri jyljýymyzǵa týra keledi. Jyldyń sońyna deıin «Saıran» jáne «Máskeý» stansalary arasyn qosamyz dep otyrmyz».
Murat Aıtqoja.