Poshtashy mártebesi

Ásirese aýyl turǵyndary úshin poshtashynyń mártebesi zor. О́ıtkeni elimizde ınternet jelisi túgili telefon baılanysy tolyqtaı qoljetimdi bolmaǵan eldi mekender kóptep sanalady. Al bul aýyldar úshin negizgi aqparat tasymaldaýshynyń júgin posh­tashylar kóterip tur. Biraq osy poshtashynyń áleý­mettik jaǵdaıy taǵy máz emes. Jala­qysy az jumys bol­ǵan­dyqtan, bul mindetti atqarýǵa óz isine qu­laı berilgen adam bolmasa, eki­­niń biri táýekel etip kele qoı­­maı­dy. Derek bo­ıynsha, qa­zir aýyl­daǵy poshtashy 15 000 teńge men 25 000 teńgeniń ara­ly­ǵyn­da aılyq jalaqy alady. Iаǵnı posh­ta­shynyń eńbekaqy­sy elimizdegi eń tómengi jalaqy mólsherinen de tómen bolyp otyr. Mundaı jaǵ­daıda úı-úıdi aralap, hat-habar, gazet-jýrnal taratatyn qyz­­mettiń sapasy týraly aıtý qıyn. Bul másele bıyl jyl ba­syn­da Májilis qabyrǵasynda da kóte­rilgen bolatyn. Mysaly, Shaı­mar­dan Nurymov Úkimetke depý­tat­tyq saýal joldap, aımaq­tar­daǵy poshtashylardyń áleý­met­tik jaǵdaıyn jetkizgen bolatyn.

– «Qazposhta» kompanııa­sy qyzmet kórsetýdiń kóp­tegen túr­lerin júzege asyrady. Qarjylyq operasııa­lar, taýarlar tasymaly, tólem­der, banktik qyzmettiń keıbir túr­leri jáne taǵy basqa qyz­metterdi júzege asyratyn bul uıym tabystan, árıne, kende emes. Osylaı bola tura, posh­tashylardyń jalaqysy óte tómen deńgeıde qalyp qoıǵany aqylǵa syımaıdy, – degen bolatyn depýtat óz sózinde.

Halyq qalaýlysy bul máselege Almaty oblysyna ja­sa­ǵan sapary barysynda kóz jetkizipti. Turǵyndar hat-habar men gazet-jýrnaldardyń eki aptadan artyq ýaqytqa de­ıin keshigip jetetinin aıtyp shaǵymdanǵan eken. Iаǵnı aýdan­darda poshtashylardyń je­tispeýinen osyndaı qıyn­dyq týyp otyrǵany jasyryn emes. Al adamdar jumyssyz júr­genine qaramastan poshtashy bolýǵa qulyqsyz. Onyń basty sebebi jalaqynyń tómendiginde bolyp otyr. Shyndyǵynda, Almaty oblysynyń aýdandary boıynsha anyqtalǵan málimetke súıensek, aýyldaǵy poshtashynyń aılyq jalaqysy az jáne ala-qula. Mysalǵa, Eń­bek­shiqazaq aýdanynda poshta­shy 15 000 teńge men 28 000 teńge alsa, Panfılov aýdanynda bul soma 18 000-20 000 teńge aralyǵynda-mys. Al eń tómengi jalaqy Uıǵyr aýdanynda eken: 12 000 teńge men 15 000 teńge shamasynda ǵana. Al osyn­daı jalaqysy bar poshtashy­dan aýyldy jaıaý aralap, gazet-jýrnaldy, hat-habardy keshiktirmeı jetkizýdi talap etýdiń ózi ádiletti bolmas edi...

Sondaı-aq aımaqtaǵy posh­ta bólimsheleriniń jumy­sy­na qatysty da syn kóp aıtylady. Al aýyldyq jer­degi «Qazposhta» bólimshesi tur­ǵyndardan túrli tólem qabyldaıtyn orynnyń min­detin atqarady. Zeınetaqy da osy poshta bólimsheleri arqyly taratylady. Jurt aýyldaǵy mańyzdy mekeme­niń biri bolyp sanalatyn posh­ta bólimsheleri qonystanǵan ǵımarattarda qyzmet kórsetýge múmkindik joq ekenine narazy. Máselen, Jetisýdaǵy kóptegen eldi mekenderdegi posh­ta ǵı­mamarattarynyń tozyǵy jetken. Sonyń biri Talǵar aýdany­na qarasty Taldybulaq aýylyndaǵy jaǵdaı.

– Ǵımarat «Qazaqtele­kom­nyń» ıeliginde, jalǵa alyn­ǵan osy eki bólmede eńbek etemiz, 20 jyldan asty. Tal­dy­bulaqta turǵyndar sany jyl­dan-jylǵa ósip keledi. Qazir­diń ózinde 7 myńǵa jýyq­tap qaldy. Turǵyndarǵa zeı­netaqy, járdemaqy túr­lerimen qosa, sálemdemeler, tólemaqy túrlerin qabyldap, tapsyramyz. Bólme tar, kompıýterlik tehnıkalarymyz eski. Jumys ornymyz qysta sýyq, elektr jylytqysh qosyp otyramyz, – deıdi poshta bólimshesiniń qyzmetkerleri.

Almaty oblysy