Eline etene jaqyn basylym

Kóńilińe qaıaý túsiretini, ınternet zamanynda, bárin sodan alamyz, gazettiń ne keregi bar deıtinderdiń ushqary oılary bolsa, qýanatynyń, tasqa túskenniń – tarıh jylnamasynda qalǵandaı, kúndelikti basylymdardan býma-býma úı kitaphanasyn jasaǵan nebir oqyrmandardy kóresiń.

Professorlar Taýman Amandosov, Ábilfaıyz Ydyrysovtardyń «Tańǵy asty ishpeı kıoskiden baspahana ıisi burqyraǵan gazetter alyp, oqymaı, degbir tappaıtyn edik, stýdentter! Senderge sony aıtamyz» degen ǵumyrly tilekteri áli jadymyzda jańǵyryp turǵandaı.

Árıne gazet jaıynda qaıaýly kóńil aıtatyndarmen sál-pál kelisýge de bolar. Gazetti oqyrman qolyna jetkizýshi tetik – poshta qyzmetiniń shabandyǵy, sylbyrlyǵy, úıip-tógip aptasyna bir jetkizetini ótirik emes, ras. Talaıdan beri aıtylyp júrgen jaǵdaıat. Qalalarda mundaı bolǵanda, alys aýyldardaǵy oqyrmannyń ábden eskirgen, aqparattyń qulshynysy joq gazetti alyp turǵandaǵy kóńil kúıin aınytpaı boljaımyz.

«Egemen Qazaqstan» – tutastaı Al­taı men Aqjaıyq, Alataý men Arqa ara­syndaǵy el tynysynyń baro­metri, taıaý jáne alys sheteldegi halyq­tar­dyń tirshilik tamyrynyń búlkilin baıan­­dap otyrar, baısaldy basylym. Shy­­ǵar­mashylyq toptyń kásibı deńge­ıin­­de sal­maqtylyqpen oqylatyn árbir dú­nıesinen mol maǵlumat alatynymyz ras.

Tutastaı el ishin qyzmet babymen jıi aralaımyz. Qııandaǵy qoınaýda, túk­­pirde jatqan aýyldarǵa burylasyń. Egis­tik, shabyndyq, jaıylym basyndaǵy sharýa adamy aýzynan nebir «shirkin-aı» degen oılaryn estısiń. Solarsha aıtsaq, «baıaǵydaı nege syn, feleotondar az shyǵady, oıyna kelgenin ospadar qımy­ly­men jasaǵandar nege aıaýsyz jazalanbaıdy, sot sheshimderi nege júrdim-bardym oryndalady, aıran ishkender qutylyp, jalaǵandar nege tutylady?». El adamdary osylaı oılaıdy eken.

Qazirgi tańda «Egemenniń» barlyq betteri túrli-tústi sýrettermen ásem bezendirilip shyǵarylýy oqyrman ynta­syn da arttyratyny belgili. Aımaq­tardan basylatyn gazetterge de sondaı talap qoıylsa deımiz.

О́lmeshan BOLATBEKOV,

qoǵam qaıratkeri

NUR-SULTAN