Koronavırýs indetiniń ekinshi kezeńine daıyndyq jóninde keńeste Memleket basshysy áýejaılar men temir joldarda qatań epıdemıologııalyq baqylaý engizý kerek ekenin aıtty, dep habarlaıdy Egemen.kz.
"Basqa memleketterde epıdemıologııalyq ahýaldyń kúrdelenýine baılanysty memlekettik shekaradaǵy ótkizý beketterinde baqylaýdy kúsheıtý kerek. 2020 jyldyń 5 qazanyndaǵy jaǵdaı boıynsha, Reseıde koronavırýs juqtyrýdyń 12 608 (ósim shamamen 1 paıyz), О́zbekstanda 374 (ósim 0,5 paıyz), Qyrǵyzstanda 244 jaǵdaı (ósim 0,5) tirkeldi", dedi Qasym-Jomart Toqaev.
El Prezıdenti áýejaılar men temirjol vokzaldarynda epıdemıologııalyq baqylaýdyń qatań rejımin qalpyna keltirý, "qyzyl aýmaqtan" keletin adamdardy jedel testileýdi jolǵa qoıý qajet ekenin basa aıtty.
"Úkimet shet eldermen, ásirese jaǵdaı kúrdelenip turǵan memlekettermen jol qatynasyn barynsha ońtaılandyrý kerek", dedi ol.
Sonymen qatar Prezıdent koronavırýstyń ekinshi tolqynyna daıyndyq boıynsha 6 máselege toqtaldy.