QR Respýblıkasynyń Bas sanıtarlyq dárigeri quramynda soıa bar tamaq ónimderin ákelýge jáne satýǵa tyıym salý boıynsha ýaqytsha sanıtarlyq sharalardy engizdi. Bul týraly Taýarlar men kórsetiletin qyzmetterdiń sapasy men qaýipsizdigin baqylaý komıtetiniń baspasóz qyzmeti habarlady.
Qazaqstan Respýblıkasynyń Bas memlekettik sanıtarlyq dárigeri Erlan Qııasov Qazaqstan Respýblıkasynyń aýmaǵyna, Ońtústik Koreıalyq óndirýshileri Ottogı Ramen Ko, LTD, 123-12, Engsong-Rı, Anzýng-Yp, Pengtek-Sı, kengı-Do tez daıyndalatyn kespelerin ákelýge jáne satýǵa tyıym salý týraly qaýly shyǵardy.Máselen, QR Densaýlyq saqtaý mınıstrligi Taýarlardyń sapasyn baqylaý jáne qaýipsizdik komıtetiniń mamandary ónim qaýipsizdigin monıtorıngileý sheńberinde - «Djın Ramen» ataýy bar tez daıyndalatyn kespeler assortımentinde, qaptamasynda óndirýshisi Ottogı Ramen Ko (Ońtústik Koreıa) dep kórsetilgen, genetıkalyq túrlendirilgen soıa jelileriniń sandyq quramynyń artyq ekendigi anyqtaldy (MON 89788 1,45% -dan 10,25% -ke deıin), norma boıynsha 0,9% bolýy kerek. О́ndirýshisi Ońtústik Koreıa bolyp tabylatyn osy ónimniń tutynýshylyq qaptamasynda quramynda gendik túrlendirilgen ıngredıentterdiń bar ekendigi jóninde aqparat bolmaǵanyn aıta ketý kerek. «Tamaq ónimderindegi GTO quramynyń ruqsat etilgen normasy 0,9% - dan aspaýy kerek. Belgilengen talaptarǵa, onyń ishinde Kodeks Alımentarıýs halyqaralyq tamaq standarttaryna sáıkes quramynda 0,9% - dan astam GTO bar tamaq ónimderi mindetti túrde tańbalanýǵa jatady. Bul ónim monıtorıng júrgizý barysynda anyqtaldy. О́nim Almaty qalasynyń saýda obektilerinen satyp alyndy: JK «Almanyń» «Maıbulaq» dúkeni jáne JK A.A. Kalıevanyń «Mıla» dúkeni. Búgingi kúni bólshek saýda jelilerinde sáıkessiz ónimderdi anyqtaý jáne olardy satýdan alyp tastaý boıynsha is-sharalar júrgizilýde».Komıtettiń aýmaqtyq bólimshelerine menshik nysanyna qaramastan, joǵaryda kórsetilgen ónimderdi ákelý jáne ótkizý qyzmetin júzege asyratyn kásipkerlik sýbektilerin habardar etý tapsyryldy.Sondaı-aq, sanıtarııalyq-epıdemııaǵa qarsy is-sharalar júrgizý jáne Qazaqstannyń tutyný naryǵyn qorǵaýdyń tıisti deńgeıin qamtamasyz etý maqsatynda, Eýrazııalyq ekonomıkalyq odaqqa múshe memleketterdiń ýákiletti organdaryna habarlamalar jiberildi.