«Qazaqstan Respýblıkasynyń 2020 jylǵa deıingi Strategııalyq damý jospary týraly»
Qazaqstan Respýblıkasy Prezıdentiniń 2010 jylǵy 1 aqpandaǵy № 922 Jarlyǵyna ózgeris engizý týraly
«Qazaqstan Respýblıkasynyń 2020 jylǵa deıingi Strategııalyq damý jospary týraly»
Qazaqstan Respýblıkasy Prezıdentiniń 2010 jylǵy 1 aqpandaǵy № 922 Jarlyǵyna ózgeris engizý týraly
qaýly etemin:
1. «Qazaqstan Respýblıkasynyń 2020 jylǵa deıingi Strategııalyq damý jospary týraly» Qazaqstan Respýblıkasy Prezıdentiniń 2010 jylǵy 1 aqpandaǵy № 922 Jarlyǵyna (Qazaqstan Respýblıkasynyń PÚAJ-y, 2010 j., № 10, 115-qujat; 2012 j., № 68, 976-qujat) mynadaı ózgeris engizilsin:
joǵaryda atalǵan Jarlyqpen bekitilgen Qazaqstan Respýblıkasynyń 2020 jylǵa deıingi Strategııalyq damý josparynda:
«Qazaqstannyń 2020 jylǵa deıingi damýynyń túıindi baǵyttary» degen III bólim mynadaı redaksııada jazylsyn:
«III. Qazaqstannyń 2020 jylǵa deıingi damýynyń túıindi baǵyttary
Qazaqstan 2020 jyly
Qazaqstan 2020 jyly álemdik daǵdarystan birshama qýatty jáne básekege qabiletti, ekonomıkasy ártaraptandyrylǵan jáne halqy belsendi túrde jańa ekonomıkaǵa tartyla otyryp shynyqqan elge aınalady.
2020 jylǵa qaraı Qazaqstan el ekonomıkasynyń shıkizat emes sektorlaryna qomaqty sheteldik ınvestısııalar tartýǵa múmkindik beretin qolaıly iskerlik ahýal qalyptasqan álemniń básekege barynsha qabiletti elý eliniń qatarynda bolady. Ekonomıka kelesi ekonomıkalyq daǵdarystarǵa jaqsy daıyndyqta bolady. Qazaqstan shektes eldermen jáne basqa da memlekettermen óziniń saıası jáne ekonomıkalyq baılanystaryn nyǵaıtady.
2020 jylǵa qaraı el ártaraptandyrylǵan ekonomıkany damytý úshin qajetti adamı resýrstarǵa, sondaı-aq otandyq kásipkerler men eksporttaýshylarǵa qyzmet kórsetý úshin qajetti ınfraqurylymǵa ıe bolady. Kólik ınfraqurylymy men telekommýnıkasııany qarqyndy damytý esebinen ózge álemmen úzilissiz baılanys qamtamasyz etiledi. Qazaqstannyń óńdeýshi ónerkásibi, aýyl sharýashylyǵy men qyzmetter kórsetý salasy ekonomıka qurylymynda taý-ken ónerkásibimen qatar laıyqty oryn alady. Áleýmettik salada jáne qorshaǵan ortany qorǵaý salasynda aıtarlyqtaı nátıjelerge qol jetkiziledi.
2020 jylǵa qaraı Qazaqstan ekonomıkasy naqty mánde 2009 jyldyń deńgeıiniń úshten birinen joǵary ósedi1. Ekonomıkany ártaraptandyrý jónindegi josparlardy tabysty iske asyrý esebinen ekonomıkanyń qaıta óńdeý salalarynyń ósý kórsetkishteri 2020 jylǵa qaraı óndirýshi salalardyń ósý kórsetkishterinen joǵary nemese olarǵa teń bolady.
Oılastyrylǵan makroekonomıkalyq saıasat júrgizý nátıjesinde 2020 jylǵa qaraı altyn-valıýta rezervteriniń deńgeıi (Qazaqstan Respýblıkasy Ulttyq qorynyń aktıvterin qospaǵanda) úsh aılyq ımporttan nemese (qandaı kórsetkishtiń joǵary bolatynyna qaraı) el ekonomıkasynyń memlekettik jáne korporatıvtik sektorlarynyń qysqa merzimdi (1 jylǵa deıingi) syrtqy boryshynyń kóleminen tómen bolmaıdy. Ulttyq qordyń aktıvteri IJО́-niń keminde 30%-yn quraıdy. Osy kezeńde ınflıasııa jylyna orta eseppen 5-8% deńgeıinde saqtalyp turady. Aıyrbas baǵamy saıasaty qazaqstandyq ekonomıkanyń ishki jáne syrtqy básekege qabilettiliginiń teńgerimin qamtamasyz etedi.
2020 jylǵa qaraı tabysy eń tómengi kúnkóris deńgeıinen tómen halyqtyń úlesi 8%-ǵa tómendeıdi. Halyqtyń áleýmettik osal toptary, múmkindigi shekteýli adamdar, áıelder, balalar men jastar ózderiniń barynsha qorǵalǵanyn sezinedi jáne ózderiniń qoǵamdaǵy múmkindikterin keńeıte alady.
Qabyldanyp jatqan sharalardyń nátıjesinde 2020 jylǵa qaraı otbasy-turmystyq qatynastarsalasynda áıelderge qatysty jasalǵan qylmystardyń úles salmaǵy 9,7%-ǵa deıin jáne kámeletke tolmaǵandarǵa qatysty qylmystardyń úles salmaǵy 2,2%-ǵa deıin azaıady.
Balabaqshadan ýnıversıtetke deıin sapaly bilim berý búkil el boıynsha qoljetimdi bolady, halyq densaýlyǵynyń jaı-kúıi aıtarlyqtaı jaqsarady. Densaýlyq saqtaý qyzmetteri álemniń úzdik standarttaryna saı bolady. Qazaqstandyqtar barynsha salamatty ómir saltyn ustanyp, temeki shegetinder men alkogoldi asyra paıdalanatyndar sany azaıady. Qoǵamnyń tynys-tirshiliginiń barlyq salalarynda memlekettik tildi qoldaný dáıekti jáne kezeń-kezeńimen keńeıedi. Ártúrli etnostyq toptar men dinı konfessııa ókilderi ishki turaqtylyq, qaýipsizdik, beıbitshilik pen kelisim jaǵdaıynda ómir súretin bolady.
Qazaqstannyń órkendeýiniń, gúldenýi men qaýipsizdiginiń ornyqty tuǵyry: túıindi bes baǵyt
Taıaý onjyldyqta túıindi bes baǵyt memleket qyzmetindegi basymdyqtar bolady:
1) daǵdarystan keıingi damýǵa daıyndyq;
2) ındýstrııalandyrý men ınfraqurylymdy damytý arqyly ártaraptandyrýdy jedeldetý esebinen ekonomıkanyń ornyqty ósýin qamtamasyz etý;
3) bolashaqqa ınvestısııalar – ornyqty ekonomıkalyq ósýge, qazaqstandyqtardyń órkendeýi men áleýmettik ál-aýqatyna qol jetkizý úshin adamı kapıtaldyń básekege qabilettiligin arttyrý;
4) halyqty sapaly áleýmettik jáne turǵyn úı-kommýnaldyq kórsetiletin qyzmettermen qamtamasyz etý;
5) ultaralyq kelisimdi, qaýipsizdikti, halyqaralyq qatynastardyń ornyqtylyǵyn qamtamasyz etý.
Ekonomıkany qalpyna keltirýge daıyndyq prosesinde Qazaqstan onyń básekege qabilettiligin arttyrýǵa múmkindik beretin reformalardy jedeldetip iske asyrýǵa tıis. Birinshi túıindi baǵyt – daǵdarystan keıingi damýǵa daıyndyq – nátıjesin onjyldyq kezeńniń basynda baıqaýǵa bolatyn sharalardy qamtıdy. Bul – birshama qolaıly bıznes orta qurý, qarjy sektoryn nyǵaıtý jáne quqyqtyq júıeni jetildirý.
Ekinshi túıindi baǵyt sheńberindegi is-qımyldar eldi údemeli ındýstrııalandyrý baǵdarlamasyn iske asyrý jáne ınfraqurylymdy damytý nátıjesinde Qazaqstan ekonomıkasyn ártaraptandyrýdy jedeldetýge yqpal etetin bolady. Bul ekonomıkalyq modeldi ózgertýge jáne ekstensıvti, shıkizattyq damý jolynan ındýstrııalyq-ınnovasııalyq damýǵa kóshýge múmkindik beredi. Eldi ınfraqurylymdyq damytý josparlary ekonomıkany údemeli ártaraptandyrýǵa jáne elge shetel ınvestısııalaryn tartýǵa yqpal etetin energetıka, kólik jáne telekommýnıkasııa salalaryn jańǵyrtýǵa shoǵyrlanady.
Adamı resýrstardyń sany men sapasy kez kelgen eldiń bolashaǵyn aıqyndaıtyn negiz qurýshy faktorlar bolyp tabylady. Adamı kapıtal – bul ınnovasııalardyń jáne ekonomıkanyń tıimdiligin arttyrýdyń negizgi qozǵaýshy kúshi. Úshinshi baǵyt – bolashaqqa ınvestısııalar – Qazaqstannyń adamı resýrstarynyń sapasyn uzaq merzimdi kezeńde arttyrý úshin qajetti sharalardy qamtıtyn bolady.
Tórtinshi túıindi baǵyt – azamattar úshin qyzmetter kórsetý sheńberinde – halyqty áleýmettik qorǵaý jáne turǵyn úı-kommýnaldyq qyzmetterdi tıimdi kórsetý jónindegi sharalar kúsheıtiletin bolady.
Besinshi túıindi baǵyt – ultaralyq kelisim, qaýipsizdik, halyqaralyq qatynastardyń turaqtylyǵy sheńberinde – ishki turaqtylyqty, qaýipsizdikti, beıbitshilik pen kelisimdi nyǵaıtý, beıbitsúıgish syrtqy saıasatty damytý jónindegi sharalar kózdeletin bolady.
Qazaqstannyń 2020 jylǵa deıingi damýynyń túıindi bes baǵytynyń negizi utymdy makroekonomıkalyq saıasat bolyp tabylady. Ekonomıkany qalpyna keltirý jáne ártaraptandyrý, onyń «qyzyp ketýin» boldyrmaý úshin qolaıly jaǵdaılar jasaý maqsatynda ekonomıkanyń ósýi kezeńinde memlekettiń shyǵystaryn azaıtýdy jáne olardy ekonomıkalyq báseńdeý kezeńinde ulǵaıtýdy kózdeıtin antısıkldi fıskaldyq saıasat júrgiziletin bolady. Bul rette kelesi onjyldyq kezeńniń sońyna qaraı bıýdjettiń munaı emes tapshylyǵy IJО́-ge qatysty 3%-dan aspaıdy. Aqsha-kredıt saıasaty ınflıasııany tejeý jónindegi sharalardyń tıimdiligin arttyrýǵa baǵyttalatyn bolady. Valıýtalyq aıyrbas baǵamynyń saıasaty qazaqstandyq ekonomıkanyń ishki jáne syrtqy básekege qabilettiligi arasyndaǵy teńgerimdi qamtamasyz etýge baǵyttalady.
Túıindi baǵyt: daǵdarystan keıingi damýǵa daıyndyq
Jahandyq qaıta órleý kezeńinde Qazaqstandaǵy iskerlik ahýal eldiń básekege qabilettiliginiń ornyqty negizin qamtamasyz etedi. Ol ekonomıkany jedeldetip ártaraptandyrý jáne otandyq bıznesti damytý úshin aýqymdy ınvestısııalardy tartýǵa yqpal etetin sheshýshi faktor bolyp tabylady. Ornyqty qarjy júıesi jáne senimdi quqyqtyq orta da kásipkerlikti damytýda syndarly ról atqarady.
Bıznes ortany jaqsartý
Strategııalyq jospar – 2020-ny iske asyrýdyń alǵashqy jyldary memleket otandyq kásipkerler, sol sııaqty halyqaralyq ınvestorlar úshin de bıznes júrgizýdiń qunyn azaıtýǵa baǵyttalǵan belsendi sharalarǵa bastama jasaıdy. Ákimshilik rásimderdiń ońtaıly sheńberin belgilep jáne olardy júzege asyrýdyń ashyqtyǵyn arttyra otyryp, memleket tóreshildik pen sybaılas jemqorlyqtyń Qazaqstandaǵy iskerlik ahýaldyń mańyzdy aspektilerine yqpal etýin tómendetýge umtylatyn bolady.
Bıznes ortany jaqsartý jónindegi
strategııalyq maqsattar
2020 jylǵa qaraı
ekonomıkanyń shıkizattyq emes sektorlaryna salynatyn otandyq jáne sheteldik ınvestısııalar (óńdeýshi ónerkásip, aýyl sharýashylyǵy ónimderin qaıta óńdeý, qyzmetter kórsetý) keminde 30%-ǵa ulǵaıady;
IJО́-ge tikeleı sheteldik ınvestısııalardyń (TShI) úlesi on paıyzdyq tarmaqqa ulǵaıady;
IJО́-degi shaǵyn jáne orta bıznestiń (ShOB) úlesi 7-10 paıyzdyq tarmaqqa ulǵaıady;
ınvestısııa kózderi ártaraptandyrylady (ár eldiń úlesi 5% jáne odan kóp bolatyn negizgi 10 ınvestor el);
Qazaqstan Dúnıejúzilik banktiń «Bıznes júrgizýdiń jeńildigi» («Doing Business») reıtıngi boıynsha eń úzdik kórsetkishtermen 50 eldiń qataryna enedi;
Qazaqstan «Transparency International» reıtınginde sybaılas jemqorlyqty túısiný ındeksi boıynsha elderdiń úshten biriniń ishinde aldyńǵy qatardaǵy oryndy ıelenedi
2015 jylǵa qaraı
Qazaqstannyń Dúnıejúzilik banktiń «Bıznes júrgizýdiń jeńildigi» («Doing Business») reıtıngi boıynsha kórsetkishteri 2011 jylmen salystyrǵanda 7 pozısııaǵa jaqsarady;
ýaqyt pen shyǵyndardy qosa alǵanda, bıznesti tirkeýge jáne júrgizýge baılanysty operasııalyq shyǵyndar (ruqsat, lısenzııalar, sertıfıkattar alý; akkredıtteý; konsýltasııa alý) 2011 jylmen salystyrǵanda 30%-ǵa tómendeıdi;
Eýropa Qaıta qurý jáne Damý banki men Dúnıejúzilik Banktiń Iskerlik ahýalǵa jáne kásiporyndar jumysynyń tıimdiligine sholýyndaǵy (BEEPS) bıznes ortanyń damý kórsetkishteri jaqsarady
2011 jylǵa qaraı
jańa normatıvtik quqyqtyq aktilerdi ázirleý men qabyldaý úshin retteýshilik áser etýdi taldaý ádistemesi (ARV) ázirlenedi;
Qazaqstannyń Dúnıejúzilik banktiń «Bıznes júrgizýdegi jeńildik» («Doing Business») reıtıngi boıynsha kórsetkishteri 2008 jylmen salystyrǵanda 7 pozısııaǵa jaqsarady;
ýaqyt pen shyǵyndardy qosa alǵanda, bıznesti tirkeýge jáne júrgizýge baılanysty operasııalyq shyǵyndar (ruqsat, lısenzııalar, sertıfıkattar alý; akkredıtteý; konsýltasııa alý) 30%-ǵa tómendeıdi
Qarjy sektoryn nyǵaıtý
Qazaqstannyń qarjy júıesiniń odan ári damýy aǵymdaǵy jahandyq daǵdarystyń negizgi qorytyndylaryn eskeretin boldy:
1) kez kelgen qaryz alý kommersııalyq, qarjylyq jáne valıýtalyq táýekelderdi baqylaýǵa múmkindik beretin qatań prýdensıaldy standarttarǵa jáne ashyqtyq talaptaryna negizdelýi tıis;
2) halyqaralyq kapıtal naryqtaryna qoljetimdilik bank sektorynyń jáne memleket qatysatyn zańdy tulǵalardyń syrtqy boryshynyń deńgeıin jaýapty basqarýdy talap etedi;
3) el ishindegi jınaqtar deńgeıiniń joǵarylaýy ornyqty, ashyq jáne tıimdi rettelýge tıis qarjy júıesine degen senimniń nyǵaıýyna baılanysty.
Ekonomıkany qalpyna keltirý kezeńinde qarjy sektoryn memlekettik qoldaý saqtalady, alaıda birte-birte jeke bastamaǵa oryn bere otyryp, tikeleı memlekettik qatysý azaıatyn bolady.
Otandyq qarjy júıesindegi odan ári retteý barynsha tolyq jáne qarjy sektorynyń makroekonomıkalyq baılanystaryn jan-jaqty eskeretin bolady. Belsendi ekonomıkalyq órleý kezeńinde prýdensıaldyq normatıvter báseńdeý jaǵdaıynda jınaqtalǵan áleýetti paıdalaný úshin qatańdatylatyn bolady.
Jalpy alǵanda, qarjy sektorynyń damýy eldiń údemeli ındýstrııalyq-ınnovasııalyq damýy úshin qarjy resýrstaryn tartýǵa baǵdarlanady.
Qor jasaýdyń ishki kózderi halyqtyń jáne otandyq kásiporyndardyń bos resýrstary esebinen kóbeıtiletin bolady. Investısııalyq jobalardy qarjylandyrý kózderi retinde resýrstardy tartý úshin qajetti jaǵdaılar jasaý arqyly nyǵaıtylatyn memlekettik-jekeshelik áriptestik tetikteriniń róli men mańyzy artady.
Eldiń qarjy sektoryna degen senimin ornyqtyrý jáne olarǵa kórsetiletin qyzmetter aıasyn keńeıtý jóninde belsendi jumys júrgiziletin bolady. Qarjy qyzmetterin tutynýshylar men ınvestorlardyń quqyqtary men zańdy múddelerin qorǵaý tetikterin keńeıtýge, qarjy uıymdarynda ishki baqylaýdyń tıimdi júıesi men táýekel-menedjmentti engizýge, sondaı-aq olardyń qyzmetiniń ashyqtyǵyn arttyrýǵa aıryqsha kóńil bólinedi.
Ishki resýrstardyń ósý shamasyna qaraı jobalyq ınvestısııalaý quraldaryn qosa alǵanda, qarjy quraldarynyń keń aýqymy bar qor naryǵy odan ári damıdy. Memlekettik-jekeshelik áriptestik jáne ıslamdyq qarjylandyrý qor naryǵyn damytýda mańyzdy ról atqaratyn bolady. Buǵan qundy qaǵazdar aınalysynyń barabar kólemin qamtamasyz etetin memlekettik qundy qaǵazdar naryǵynyń odan ári damýy da septigin tıgizedi.
Qazaqstannyń tolyqqandy qor naryǵyn qalyptastyrý jáne onyń halyqaralyq kapıtal naryǵymen yqpaldasýy sheńberinde Almaty qalasynyń óńirlik qarjy ortalyǵy odan ári damıtyn bolady. Strategııalyq perspektıvada memleket halyqaralyq standarttarǵa sáıkes keletin Almaty qalasynyń básekege qabiletti qarjy ortalyǵyn damytý jáne onyń Azııadaǵy jetekshi 10 qarjy ortalyǵynyń tobyna kirýi úshin qajetti jaǵdaı jasaıdy.
Jalpy alǵanda, eldiń qarjy sektoryn damytý Qazaqstan Respýblıkasynyń qarjy sektoryn damytýdyń daǵdarystan keıingi kezeńge arnalǵan tujyrymdamasyna sáıkes júzege asyrylatyn bolady.
Qarjy sektoryn damytý jónindegi strategııalyq maqsattar
2020 jylǵa qaraı
qarjy uıymdarynyń ınstıtýsıonaldyq bazasy keńeıtiledi jáne olardyń ınvestısııalyq múmkindikteri ulǵaıtyldy;
bank sektorynyń syrtqy mindettemeleriniń úlesi onyń mindettemeleriniń jıyntyq kóleminde 30%-dan aspaıdy;
qarjy naryǵy qyzmetterdiń keń spektrin usynady jáne ınvestorlar men qarjy qyzmet-
terin tutynýshylardyń arasynda senimge ıe;
otandyq qor naryǵy Táýelsiz Memleketter Dostastyǵy men Ortalyq Azııa elderiniń ishinde ıslam bankınginiń óńirlik ortalyǵyna aınalady
2015 jylǵa qaraı
halyqtyń jınaqtaryn tartýdyń balamaly kózderin damytý úshin jaǵdaı jasaldy;
halyqtyń qarjylyq saýattylyǵyn jáne ınvestısııalyq mádenıetin kóterý jónindegi is-sharalar sátti iske asyryldy;
memlekettik-jekeshelik áriptestik tetikteriniń róli men mańyzyn arttyrý jónindegi sharalar keshenin iske asyrý qamtamasyz etildi
Senimdi quqyqtyq orta qalyptastyrý
Senimdi quqyqtyq ortaǵa zańnyń ústemdik prınsıpin múltiksiz saqtaý arqyly qol jetkiziledi jáne ol azamattar men kásipkerlik sýbektileriniń ózderiniń quqyqtary men zańdy múddeleriniń sózsiz qorǵalýyna degen senimdiligin, bıznesti júzege asyrý kezinde jeke qaýipsizdikti sezinýin, tranzaksııalyq shyǵyndardyń tómen bolýyn qamtamasyz etedi, ishki jáne syrtqy ınvestısııalardy yntalandyrady.
Ulttyq quqyqtyq júıeni jańǵyrtý jáne ony úzdik halyqaralyq praktıkaǵa sáıkes keltirý, sondaı-aq adam, ana men bala, kásipkerlik pen memleket quqyqtarynyń senimdi qorǵalýyn qamtamasyz etý maqsatynda mynadaı salalardaǵy reformalarǵa nazar aýdarylady:
1) sot júıesiniń ashyqtyǵyn jáne táýelsizdigin, sot korpýsynyń beıtaraptyǵy men kásipqoılyǵyn arttyrý;
2) zańnamany jetildirý jáne norma túzýshilik sapasyn arttyrý;
3) halyqtyń quqyqtyq mádenıetiniń deńgeıin, onyń ishinde sot jáne quqyq qorǵaý organdary qyzmetkerleriniń kásiptik mádenıetin arttyrý jáne azamattardyń bilikti zań kómegine naqty qol jetkizýin qamtamasyz etý.
Otandyq quqyqtyq júıeni jańǵyrtýdyń tujyrymdy ustanymdary jáne onyń 2020 jylǵa deıingi damýynyń negizgi baǵyttary Qazaqstan Respýblıkasynyń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdamasynda aıqyndalǵan.
Sot júıesi
Sot júıesin odan ári reformalaý sottardyń shynaıy táýelsizdigi, sot tóreligin atqarýdy tıimdi qoǵamdyq baqylaý, sýdıalardyń kásipqoılyǵy men beıtaraptyǵy, sot isin júrgizýdi ońaılatý jáne tym artyq reglamentteýdi alyp tastaý prınsıpterimen júrgiziledi, onyń nátıjesinde qoǵamnyń sot júıesine degen seniminiń joǵary dárejesine qol jetkizilip, sottardyń jumys isteý tıimdiligi artady. Sot tóreligin júzege asyrý kezinde sot ıerarhııasynyń barlyq deńgeılerinde jáne satylarynda sýdıalar táýelsizdiginiń uıymdyq-quqyqtyq kepildikteri qamtamasyz etiletin bolady.
Sot júıesin reformalaý jónindegi strategııalyq maqsattar
2020 jylǵa qaraı
Qazaqstan Respýblıkasynyń «Sottardyń táýelsizdigi» kórsetkishi boıynsha Dúnıejúzilik ekonomıkalyq forýmnyń jahandyq básekege qabilettilik ındeksi reıtıngindegi orny 20 pozısııaǵa jaqsarady;
sot júıesiniń táýelsizdik jáne beıtaraptyq deńgeıi Eýropadaǵy qaýipsizdik jáne yntymaqtastyq uıymynyń mindettemelerine (adamı ólshem salasynda) sáıkes dep tanyldy
2015 jylǵa qaraı
tergeý is-áreketin sottyń baqylaýy keńeıtildi;
sotqa júginýshi sýbektiler isteriniń qoljetimdiligine, qarapaıymdylyǵyna jáne jyldam sheshilýine kepildik beretin sot júıesi quryldy;
sýdıalyqqa úmitkerlerge qoıylatyn biliktilik talaptary jáne sýdıalyqqa úmitkerlerdi irikteý rásimderiniń transparenttiligi (ashyqtyǵy) artty;
úkimettik emes uıymdardyń ókilderin tarta otyryp, sot prosesine qatysýshylar men kásipqoı zańgerler arasynda júrgiziletin, alynǵan nátıjelerdiń jarııalylyǵyn jáne sottar men sýdıalardyń reıtıngterin jasaýdy kózdeıtin merzimdi áleýmettanýshylyq zertteýlermen barlyq sottardy barabar qamtý qamtamasyz etildi
2014 jylǵa qaraı
sot sheshimderin oryndaýdyń aralas modelin jetildirý
2013 jylǵa qaraı
sotta qaraýdyń tolyqtaı jarııalylyǵy men ashyqtyǵy, onyń ishinde sottardyń qorytyndy is júrgizý sheshimderiniń qarar bóligin Qazaqstan Respýblıkasy Joǵarǵy Sotynyń jarııa derekqoryna ornalastyrý jolymen qamtamasyz etildi
2011 jylǵa qaraı
sottardyń mamandanýy olardyń ókilettikteri naqty ajyratyla otyryp keńeıtildi, ońaılatylǵan is júrgizý ınstıtýttary damytylýda;
jekeshe sot oryndaýshylary ınstıtýtyn engize otyryp, sot sheshimderin oryndaýdyń aralas modeli engizildi
Zańnamany jáne norma túzýshilikti jetildirý
Mynalar zańnamany jáne norma túzýshilikti jetildirýdiń negizgi baǵyttary bolady:
1) Qazaqstannyń zańnamalyq bazasynyń turaqtylyǵy men qoljetimdiligin qamtamasyz etý, onyń sapasyn arttyrý ári kodıfıkasııalaý arqyly júıelendirý, eskirgen jáne qaıtalanatyn normalardy alyp tastaý, quqyqtyq retteýdegi olqylyqtardy joıý jáne silteme normalardy barynsha azaıtý, tikeleı qoldanylatyn zańdardy qabyldaý praktıkasyn keńeıtý arqyly júıeleý;
2) normatıvtik quqyqtyq aktilerdi ázirleýge táýelsiz sarapshylardy, úkimettik emes sektordyń ókilderin neǵurlym keńirek tartý, osy salada ozyq bilimderdi qoldana otyryp, ǵylymı saraptamalardy júrgizý negizinde norma túzýshilik prosesindegi kásibılikti kúsheıtý.
Zańnamany jáne norma shyǵarýdy jetildirý jónindegi strategııalyq maqsattar
2020 jylǵa qaraı
normatıvtik quqyqtyq aktiler jobalarynyń sapasyn baǵalaýdyń halyqaralyq standarttaryna jáne olardy qoǵamnyń, kásipkerlik pen bıliktiń múddelerin teńdestirip eskerýge múmkindik beretin jarııa túrde talqylaý rásimderine negizdelgen zań shyǵarýdyń tıimdi tetikteri engizildi
2015 jylǵa qaraı
normatıvtik quqyqtyq aktilerdi ázirleýge táýelsiz sarapshylardy, úkimettik emes sektordyń ókilderin neǵurlym keńirek tartý, osy salada ozyq bilimderdi qoldana otyryp, ǵ