Qazaqstannyń iri ınnovasııalyq Kaspi.kz kompanııasy London Stock Exchange (LSE) jáne Astana International Exchange-de (AIX) IPO-nyń tabysty ótkeni týraly habarlady.
Bir depozıtarlyq qolhat boıynsha usynystyń bastapqy baǵasy 33,75 dollar deńgeıinde belgilendi, bul kompanııanyń naryqta kapıtaldanýy 6,5 mıllıard dollarǵa teń ekenin bildiredi. London Stock Exchange-degi birinshi kúnniń saýda-sattyq qorytyndysy boıynsha Kaspi.kz-tiń quny 20%-dan asty.
Kaspi.kz basshysy jáne negizin qalaýshylardyń biri Mıhaıl Lomtadze bul týraly bylaı dedi: «Biz álemniń eń bedeldi jáne iri ınvestısııalyq kompanııalaryn Qazaqstan men Kaspi.kz-tiń ınvestısııalyq tartymdylyǵyna sendire alǵanymyzǵa qýanyshtymyz. Bizdiń tabysty IRO Qazaqstandy álemniń ınnovasııalyq kartasyna engizýge jáne álemniń iri ınvestorlaryna elimizdiń qarqyndy sıfrlyq transformasııasyna qatysýǵa múmkindik beredi. Súıikti klıentterimizdiń ómirin jaqsartý týraly mıssııamyzǵa sáıkes eldegi eń tanymal sýper-qosymsha – Kaspi.kz-ti ári qaraı damytamyz jáne klıentterimiz ben seriktesterimizge, Qazaqstanǵa budan da joǵary tabys ákelemiz».
Al Kaspi.kz dırektorlar keńesiniń tóraǵasy jáne teń quryltaıshysy Vıacheslav Kım: «Kaspi.kz tarıhy on jyldan astam ýaqyt buryn bastaldy. Osy múmkindikti paıdalanyp, kompanııanyń tabysqa jetý jolynda mańyzdy ról atqarǵan erekshe talantty jáne adal komandamyzdyń árbir múshesine alǵys aıtqym keledi. Biz áýelden-aq elimizdi sıfrlandyrýdyń aldyńǵy qatarynda júrdik. Qazaqstanda memleket ınnovasııalyq kásipkerlikti damytý úshin óte qolaıly múmkindikterdi usynyp, qalyptastyrýda. Osy arqyly Kaspi.kz syndy ınnovasııalyq jáne tehnologııalyq kompanııalar qalyptasýda. Bizdiń tabysty IRO Qazaqstannyń ınvestısııalyq tartymdylyǵyn jańa deńgeıge kóterip, basqa qazaqstandyq kompanııalarǵa álemdik naryq kapıtalyna shyǵýǵa múmkindik beredi dep senemiz», dedi.
Aıta ketelik, Kaspi.kz mıssııasy – klıentterdiń ómirin jaqsartýǵa arnalǵan ınnovasııalyq ónimder men qyzmetter kórsetý. Bizdiń ınnovasııamyzdyń negizinde óz salasyndaǵy jalǵyz jáne eldegi eń tanymal, 7 mıllıonnan astam qazaqstandyq azamat qoldanatyn mobıldi sýperqosymsha Kaspi.kz tur. Kaspi.kz mobıldi sýperqosymshasynyń kómegimen klıentterimiz tólem men aýdarym jasap, jeke qarajattaryn basqarady jáne jetkizý qyzmetimen tıimdi onlaın rejimde zat satyp alady. Kaspi.kz-tiń 10 myń qyzmetkeriniń árqaısysy kún saıyn bizdiń súıikti klıentterimizdiń ómirin jaqsartyp, ınnovasııalarymyzben tańǵaldyrý úshin bar kúshin salady deıdi kompanııa mamandary.