Arqa óńiriniń atqaminerleri óner adamyna aıryqsha qurmet kórsetti, dep habarlaıdy Egemen.kz oblys ákiminiń baspasóz qyzmetine silteme jasap.
Qaraǵandy oblysynyń ákimdiginde Qazaqstannyń eńbek sińirgen qaıratkeri, Q.Baıjanov atyndaǵy Qaraǵandy konserttik birlestiginiń joǵary deńgeıdegi vokalıst-ártisi Jaqsygeldi Kemalovty óńir basshysy Jeńis Qasymbek mereıtoıymen quttyqtady.
Oblys basshysy Arqa tósiniń alpys jasqa tolǵan ataqty ánshisine adamdarǵa rýhanı lázzat syılaǵan ónerine jáne daryndy jastardyń jańa býynyn tárbıelep júrgen eńbegine alǵys aıtyp, laıyqty syı-qurmet kórsetti. «Sahnada jarqyrańyz! Sizdiń keremet ánderińiz uzaq ýaqyt shyrqala bersin!», degen tilek aıtty.
Jaqsygeldi Kemalov nebir dúldúlder men bulbuldar dúnıege kelgen Jańaarqa aýdanynyń týmasy. Ánshi otyz jyldan astam ýaqyt Qaraǵandydaǵy Qalı Baıjanov atyndaǵy konserttik birlestikte eńbek etip keledi.
Qaraǵandy oblysy