Keshe Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen onlaın formatta 2020 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵyn berý jónindegi komıssııanyń qorytyndy otyrysy ótti.
Komıssııa múshelerimen ádebıet, kıno, teatr, mýzyka, sáýlet jáne beıneleý óneri salalary boıynsha atalǵan Memlekettik syılyqtyń ekinshi kezeńine ótken 11 jumys qaraldy.
Otandyq shyǵarmashylyq zııaly qaýymnan qurylǵan Komıssııa músheleri konkýrstyń ekinshi kezeńine ótken shyǵarmalardyń qoǵamda talqylaný barysy jónindegi Mádenıet jáne sport mınıstri A.Raıymqulovanyń aqparatyn tyńdady.
Komıssııa jasyryn daýys berý arqyly Memleket basshysynyń qaraýyna usynylatyn 2020 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵy laýreattyǵyna úmitkerlerdi anyqtady.
Dástúr boıynsha Memlekettik syılyq laýreattaryn marapattaý Táýelsizdik kúni qarsańynda ótedi, dep habarlady Prezıdenttiń baspasóz qyzmeti.