Senat depýtattary mádenıet máseleleri boıynsha keıbir zańnamalyq aktilerge ózgerister men tolyqtyrýlar engizý týraly zańdy qabyldady, - dep habarlaıdy Egemen.kz
"Konserttik-oıyn-saýyq is-sharalaryn ótkizý kezinde týyndaıtyn birqatar problema bar. Oryndaýshylar tarapynan konsertter ótkizý kezinde ádepsiz minez-qulyq kórsetý, sahnada mas kúıinde óner kórsetý úrdisi oryn alǵan, josparlanǵan konsertterdi buzý, ádepsiz sózderi bar repertýar tańdaý, kórermenderdi habardar etpeı, fonogrammany paıdalanýǵa jol berilgen birqatar faktiler de bar", - deıdi Raıymqulova senattyń plenarlyq otyrysynda.
Osyǵan baılanysty zańnamalyq deńgeıde oryndaýshylardyń ádepsiz minez-qulqyna jol bermeý boıynsha birqatar mindetteme engiziledi. Sonyń biri - fonogrammany qoldaný týraly aldyn ala habarlaý.
"Fonogrammany paıdalaný tártibi zańǵa táýeldi aktide aıqyndalatyn bolady. Barlyq jarnamalyq ónimder jáne kassalar janynda mindetti túrde fonogrammany paıdalaný boıynsha habarlama beriledi. Bul kórermenge fonogrammany paıdalanýmen ótetin konsertke bılet satyp alý nemese odan bas tartý tańdaýyna múmkindik beredi jáne bılettiń qunyna da áser etedi", - dep atap kórsetti Raıymqulova.