Búginde elimizde 120-130 qar barysy bar. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev óziniń Twitter paraqshasynda jazdy, dep habarlaıdy Egemen.kz
"Búgin, ıaǵnı 23 qazan kúni Halyraqalyq qar barysy kúni atalyp ótýde. Qazaqstanda 120-130 bas ilbis bar desek, olardyń sany jyl saıyn azaıyp keledi. Barystyń fototuzaqqa túsip qalatyn sırek kadrlary jyrtqysh ańnyń popýlıasııasyn zertteýde óte baǵaly. Mundaı ataýly kún qar barysy men onyń meken etý ortasyn saqtap qalý problemasyna qoǵam nazaryn kóbirek aýdarýǵa septigin tıgizetinine senemin", dep jazdy mınıstr.
Qar barysy nemese ilbis – Qazaqstandaǵy mysyq tuqymdastarǵa jatatyn eń iri ań. Olar áli kúnge deıin Ile Alataýyn mekendeıdi. Barys taýdan tómen túsken joq, biraq qaladaǵy qurylys muzdyqtarǵa jaqyndap barady. Barysty Kólsaı kólinen, Qaskeleń, О́tpeli shatqalynan, Aıýsaıdan, Býtakovka men Kimasar shatqaldary bıiginen baıqaýǵa bolady.
Táýelsizdiktiń bastapqy jyldarynda Almatyda jańa eltańba paıda boldy. Taýlarda barys sırek kezdesedi, jasyryn júredi. Olardy adamdar yǵystyryp tastaǵan. Bul túr Ońtústik jáne Ortalyq Azııanyń 12 memleketinde tirshilik etedi. BUU deregi boıynsha, Qytaıda ǵana birneshe myń popýlıasııa bar. Qalǵan elderde ondaǵan, júzdegen barys saqtalǵan. Jabaıy tabıǵatta jaǵdaıy jaqsy bolsa alty myńnan astam qar barysy tirshilik ete alady.