Kenshiler astanasynda Qaraǵandy oblysynyń Ulttyq sport túrleri qaýymdastyǵyn qurýǵa arnalǵan jınalys ótti, dep habarlaıdy Egemen.kz.
Jıynǵa Qaraǵandy oblystyq sotynyń tóraǵasy Nurserik Sháripov, oblystyq dene shynyqtyrý jáne sport basqarmasynyń basshysy Temirhan Abylaev jáne Ulttyq sport túrleri salasynyń mamandary qatysty.
Kún tártibi boıynsha Qaraǵandy oblysynyń Ulttyq sport túrleri qaýymdastyǵy quryldy. Sonymen qatar, jıynǵa qatysqandar biraýyzdan daýys berip, jańa qurylymnyń basshysy etip Qaraǵandy oblystyq sotynyń tóraǵasy Nurserik Sháripovti saılady.
Jańadan qurylǵan qaýymdastyqtyń quramyna qazaq kúresi, at sporty, toǵyzqumalaq, saıatshylyq, asyq atý sııaqty tól sporttyń túrleri kiredi.
Jıyn barysynda qaýymdastyq tóraǵasy aldaǵy josparlarymen bólisti. Eń aldymen ol oblys ortalyǵynda jańa atshabar salý jobasyn qolǵa alatynyn aıtty. Al oblystyq dene shynyqtyrý jáne sport basqarmasynyń basshysy Temirhan Abylaev jańadan qurylǵan qaýymdastyqtyń óńirdegi Ulttyq sport túrleriniń damýyna qomaqty úles qosaryna senim bildirip, onyń tóraǵasyna jemisti eńbek tiledi.
Qaraǵandy oblysy