Koreı Halyqtyq Demokratııalyq Respýblıkasynda eldiń burynǵy prezıdenti Kım Ir Senniń 120 jasqa deıin ómir súrýine yqpal etý úshin qyzmet etken arnaıy iriktelgen dárigerler toby bolǵan. Bul týraly Lenta.ru habarlady.
Koreıa Respýblıkasynyń «Choson ılbo» gazeti málimdegendeı, bul derekter atalmysh medısınalyq toptyń jetekshisi bolyp, keıinnen Ońtústik Koreıaǵa qashyp kelgen Kım So Ionnyń kitabynda jazylǵan.
Kım So Ionnyń aıtýy boıynsha, Kım Ir Sen uzaq ómir súrýdi 65 jasqa kelgen kezinde oılana bastaǵan. 1977 jyly ol eldiń eń úzdik dárigerlerin jınap, olardyń aldyna osy tapsyrmany qoıdy. Dárigerler adamnyń uzaq ómir súrýine shyǵys medısınasynda qoldanylatyn 1700 shóptiń yqpalyn zerttep shyqqan. Olar sondaı-aq prezıdenttiń uzaq ómir súrýi úshin oǵan jaqsy tamaqtanyp, jıi kúlý kerek dep sheshken. Sondyqtan da Kım Ir Sen árqashan kóńil kóteretin ártisterdiń ónerin tamashalaǵan eken. Degenmen, dárigerlerdiń jumysy aıtarlyqtaı nátıje bermedi. 1980 jyldardyń sońynda Kım Ir Sen mı aterosklerozyna shaldyǵady. 78 jasynda ol dárigerlerden únemi ózine jas balalardyń qanyn quıyp otyrýdy talap etken. Kım So Ion bul áreketter Kım Ir Senniń qany AB-dan B tobyna aýysyp, onyń densaýlyǵynyń nasharlaýyna áser etkenin aıtady.
65 jastaǵy dárigerdiń kitabynda tek Kım Ir Sen týraly estelikter ǵana emes, sonymen qatar, adam ómirin uzartý jónindegi avtordyń oılary jazylǵan. Ol adamǵa uzaq ómir súrý úshin barlyq jaman ádetterden arylyp, dıeta saqtap, jıi kúlý kerek degen sheshimge kelgen eken.
Aıdar О́risbaev.
Derekkóz: Lenta.ru