Memleket basshysy Nursultan Nazarbaev Qazaqstan Respýblıkasy Ulttyq Banki tóraǵasy Qaırat Kelimbetovti qabyldady, dep habarlady Prezıdenttiń baspasóz qyzmeti.
Memleket basshysy Nursultan Nazarbaev Qazaqstan Respýblıkasy Ulttyq Banki tóraǵasy Qaırat Kelimbetovti qabyldady, dep habarlady Prezıdenttiń baspasóz qyzmeti.
Q.Kelimbetov Ulttyq Bank qyzmeti, sondaı-aq, eldiń bank sektorynyń qazirgi ahýaly men odan ári damý perspektıvalary týraly baıandady.
Memleket basshysy álemdik qarjy naryǵyndaǵy jaǵdaıǵa baılanysty týyndap otyratyn qaterlerge taldaý jasaý, negizgi makroekonomıkalyq kórsetkishter men valıýta naryǵyndaǵy jaǵdaıdyń turaqtylyǵyn qamtamasyz etý qajettigin atap ótti.
Ulttyq Bank tóraǵasy aqsha-nesıe saıasatynyń negizgi ólshemderi boljamdy sheginde saqtalyp otyrǵandyǵynan habardar etti. Ol qarjy naryǵynda nemese onyń jekelegen segmentterinde qaterler týyndaǵan jaǵdaıda Ulttyq Bank qoldanylyp otyrǵan ádisterge ıkemdi túzetýler jasaýǵa nıetti ekenin jetkizdi.
Sondaı-aq, kezdesý barysynda Q.Kelimbetov 2013 jylǵy qazan aıynyń qorytyndysy boıynsha jyldyq ınflıasııa 4,9% deńgeıinde qalyptasqanyn málimdedi. Jyl basynan beri eldiń halyqaralyq rezervteri Ulttyq qor aktıvterin qosqanda 7,3%-ǵa jetip, 92,4 mlrd. AQSh dollaryna deıin ulǵaıdy.
Buǵan qosa, Ulttyq Bank tóraǵasy Memleket basshysynyń zeınetaqy aktıvterin Biryńǵaı zeınetaqy jınaqtaýshy qoryna berý jónindegi tapsyrmasynyń iske asyrylýy týraly aıtty. Bul jumystyń 2014 jylǵy 1 sáýirge deıin aıaqtalatyny atap kórsetildi.
Kezdesý qorytyndysynda Memleket basshysy qarjy júıesin turaqtandyrý jáne ekonomıkanyń damý qarqynyn saqtaýdy qamtamasyz etý jóninde birqatar tapsyrma berdi.